Kanbiọ He Jọja lẹ Nọ Kanse—Etẹwẹ N’Na Yí Gbẹzan Ṣie Do Wà? (Apá 1)
Dile jọja lẹ to whinwhẹ́n, yé dona basi nudide titengbe delẹ. Nado gọalọna yé, titobasinanu Jehovah tọn ko wleawuna DVD lọ Les jeunes s’interrogent . . . Que vais-je faire de ma vie? [Kanbiọ He Jọja lẹ Nọ Kanse—Etẹwẹ N’Na Yí Gbẹzan Ṣie Do Wà?] To whenue hiẹ tá video lọ godo, zín “Drame” [Nupinpọn-Do-Plọnnu] bo dín gblọndo kanbiọ he tin to hukan 2tọ mẹ lẹ tọn. Enẹgodo, zín “Interviews” [Hokansemẹ Lẹ] podọ “Souvenirs” [Lẹnayihamẹpọn Vude] bo tẹnpọn nado na gblọndo kanbiọ he tin to hukan 3tọ mẹ lẹ tọn.
Nupinpọn-Do-Plọnnu: (1) Aliho tẹlẹ mẹ wẹ ninọmẹ Timoti tọn taidi jọja Klistiani egbezangbe tọn susu lẹ tọn te? (2) Nawẹ André yin kọgbidina nado diyin to aihundida lanmẹyiya tọn mẹ gbọn? (3) Etẹwẹ Mẹmẹsunnu Fleissig dọna André gando onú voovo ehelẹ go: (a) mẹdezizejo mlẹnmlẹn na Jehovah po mẹdezizejo mlẹnmlẹn na aihundida lanmẹyiya tọn po? (Mat. 6:24) (b) nuhe nọ hẹn ayajẹ nujọnu tọn wá? (c) nuhe panu he e zan to opá yasanamẹ tọn mẹ lọ nọ hẹn ẹn flin? (d) mẹhe tin to fọto mẹ hẹ ewọ po asi etọn po lẹ? (e) eyin vlavo e ma vẹna ẹn dọ e diọ yanwle etọn lẹ? (Flp. 3:8) (4) Gblọndo tẹwẹ onọ̀-daho André tọn na ẹn to whenue e kanse dọ, “Be e ylan eyin n’lẹzun wezundotọ he diyin de wẹ ya?” (Luku 4:5-7) (5) Be André tindo ayajẹ nujọnu tọn to whenue e duto agbàwhinwhlẹn lọ ji ya? (6) Etẹwẹ whàn we to nuhe Mẹmẹsunnu Fleissig dọ to wekanhlanmẹ godo tọn etọn hlan André lọ mẹ? (Howh. 10:22) (7) Nukunnumọjẹnumẹ tẹwẹ Mẹmẹsunnu Fleissig gọalọna André nado tindo?
Lẹnayihamẹpọn Vude: (8) Yanwle tẹlẹ wẹ mẹmẹsunnu lọ po mẹmẹyọnnu lọ po doafọna, podọ etẹwutu? (9) Obá tẹ mẹ wẹ yé tindo kọdetọn dagbe jẹ? (10) Etẹwẹ gọalọna dopodopo yetọn nado basi dide bo diọ yanwle yetọn lẹ? (2 Kọl. 5:15) (11) Yanwle gbigbọmẹ tọn tẹlẹ wẹ diọtẹnna dehe yé tindo dai lẹ, podọ naegbọn yé do mọ dọ emi ma sọgan doafọna awe lẹ zẹnzẹn? (12) Be e vẹna yé dọ yé diọ yanwle he yé tindo dai lẹ wẹ ya? (13) Etẹwẹ yé dọ he hẹn we lẹnnupọndo nuhe hiẹ dona yí gbẹzan towe do wà ji?
Jaale, pọ́n hokansemẹ he pò lọ lẹ po nudọnamẹ devo lẹ po bo wleawu nado na gblọndo na kanbiọ he na yin kinkanse gandego lẹ to Opli Sinsẹ̀nzọn tọn osẹ he ja tọn lọ whenu.