WESẸDOTẸN INTẸNẸT JI TỌN Watchtower Tọn
WESẸDOTẸN INTẸNẸT JI TỌN
Watchtower Tọn
Gungbe
ẹ,ọ,ṣ
  • á
  • à
  • é
  • è
  • Ẹ
  • ẹ
  • ẹ́
  • ẹ̀
  • í
  • ì
  • ó
  • ò
  • Ọ
  • ọ
  • ọ́
  • ọ̀
  • Ṣ
  • ṣ
  • ú
  • ù
  • BIBLU
  • OWE LẸ
  • OPLI LẸ
  • mwbr17 mars w. 1-4
  • Alọdlẹndonu Nuplọnwe Opli Gbẹzan po Lizọnyizọn po Tọn

Video de ma tin na adà ehe

Jaale, nuhahun de wá aimẹ gando video lọ go.

  • Alọdlẹndonu Nuplọnwe Opli Gbẹzan po Lizọnyizọn po Tọn
  • Alọdlẹndonu Nuplọnwe Opli Gbẹzan po Lizọnyizọn po Tọn—2017
  • Hóvila Lẹ
  • 6-12 MARS
  • 13-19 MARS
  • 20-26 MARS
  • 27 MARS–2 AVRIL
Alọdlẹndonu Nuplọnwe Opli Gbẹzan po Lizọnyizọn po Tọn—2017
mwbr17 mars w. 1-4

Alọdlẹndonu Nuplọnwe Opli Gbẹzan po Lizọnyizọn po Tọn

6-12 MARS

NUHỌAKUẸ LẸ SỌN OHÓ JIWHEYẸWHE TỌN MẸ | JELEMIA 1-4

“Yẹn Nasọ Vọ́ Huhlọnna Mẹhe Agbọ́ Pé”

jr-F 88 huk. 14-15

BE A NA VỌ́ HUHLỌNNA MẸHE AGBỌ́ PÉ YA?

14 E na yọ́n dọ mí ni na ayidonugo lehe Jelemia yin tulina gọna lehe ewọ lọsu na tuli mẹdevo he “agbọ́ pé” lẹ do. (Jel. 31:25) Jehovah lọsu wẹ na tuli yẹwhegán lọ. Lẹnnupọndo lehe a na ko yin hinhẹn lodo do ji eyin a sè bọ Jehovah dọna we dọ: “Yẹn ko yí we do basi tòdaho huhlọnnọ de to egbehe . . . E họnwun dọ yé na hoavùn sọta we, ṣigba, yé ma na duto ji we, na ‘Yẹn tin po hiẹ po,’ wẹ Jehovah dọ, ‘nado whlẹn we.’” (Jel. 1:18, 19) Na nugbo tọn, owhẹ̀ Jelemia tọn whẹ́n nado dọ dọ Jehovah wẹ “huhlọn ṣie po figángán ṣie po, fihe yẹn na họnyi to azán ayimajai tọn gbè.”—Jel. 16:19.

15 Nuhe Jehovah dọna Jelemia jẹna ayidego, enẹ wẹ: “Yẹn tin po hiẹ po.” Be a mọdọ a sọgan hodo apajlẹ enẹ to whenue a yọnẹn dọ mẹde tindo nuhudo tulinamẹ tọn ya? Onú dopo wẹ nado doayi e go dọ mẹmẹsunnu kavi mẹmẹyọnnu kavi vlavo hẹnnumẹ de to nuhudo mẹ; onú devo sọ wẹ nado gọalọ. To ninọmẹ susu mẹ, nuhe nọ yọ́n hugan wẹ nado wà nuhe Jiwheyẹwhe wà na Jelemia, enẹ wẹ nado nọpọ́ hẹ mẹlọ poun. Podọ enẹgodo, a sọgan dọ hogbe tulinamẹ tọn delẹ, amọ́ ni ma yin ohó susu blo. Hogbe kleun he jlọmẹdote bo vọ́ jidenamẹ, sọgan wà dagbe taun. E ma yin dandan dọ a ni yí hogbe dahodaho lẹ zan. Hogbe towe lẹ ni yin hogbe ahundopo tọn he bọawu, bo do mẹtọnhopọn po owanyi Klistiani tọn po hia. Hogbe mọnkọtọn lẹ sọgan wà dagbe taun.—Hia Howhinwhẹn lẹ 25:11.

13-19 MARS

w88-F 1/4 11-12 huk. 7-8

Jelemia—Yẹwhegán He Lá Whẹdida Jiwheyẹwhe Tọn bọ Gbẹtọ lẹ Gbẹwanna Ẹn

7 “E họnwun dọ yé na hoavùn sọta we,” wẹ Jehovah dọ, “ṣigba, yé ma na duto ji we.” (Jelemia 1:19) Naegbọn Ju lẹ po nukọntọ yetọn lẹ po jlo na hoavùn sọta yẹwhegán ehe? Na owẹ̀n etọn jẹagọdo vọdonanu po sinsẹ̀n-bibasi mọmọ tọn yetọn po wutu. Jelemia dọ tlọlọ dọmọ: “Pọ́n! Ohó Jehovah tọn ko lẹzun nude he yé nọ vlẹko; yé ma nọ mọ awuvivi depope to e mẹ. Na sọn omẹ pẹvi ji jẹ daho ji, dopodopo yetọn wẹ to mẹhodu; sọn yẹwhegán ji jẹ yẹwhenọ ji [yèdọ mẹhe dona tẹdo nujinọtedo walọ dagbe tọn po gbigbọnu lẹ po go lẹ], dopodopo yetọn wẹ to nuyiwa po oklọ po.”—Jelemia 6:10, 13.

8 Nugbo wẹ dọ yé nọ nọ̀ nukọnna akọta lọ nado basi avọ́sinsan lẹ. Yé nọ hodo tito sinsẹ̀n-bibasi nugbo tọn lẹ, amọ́ e ma yin sọn ahun mẹ wá. Nuyiwa mọmọ tọn lẹ yin nujọnu na yé hugan nuhe sọgbe wiwà. To ojlẹ dopolọ mẹ, nukọntọ sinsẹ̀n Ju lẹ tọn lẹ nọ to yẹdoklọ akọta lọ gando hihọ́ go dọ, “Jijọho tin! Jijọho tin!” to whenuena jijọho de ma tin. (Jelemia 6:14; 8:11) Yé nọ klọ gbẹtọ lọ lẹ nado yise dọ yé tin to jijọho mẹ hẹ Jiwheyẹwhe. Yé nọ lẹndọ nude ma na dobuna emi, na yé yin omẹ Jehovah tọn he ewọ ko whlẹngán lẹ wutu, bo dugu tòdaho wiwe lọ po tẹmpli etọn po tọn. Ṣigba, be mọ wẹ Jehovah nọ pọ́n ninọmẹ lọ hlan do ya?

w88-F 1/4 12 huk. 9-10

Jelemia—Yẹwhegán He Lá Whẹdida Jiwheyẹwhe Tọn bọ Gbẹtọ lẹ Gbẹwanna Ẹn

9 Jehovah biọ to Jelemia si nado ṣite to mẹlẹpo nukọn to họngbo tẹmpli lọ tọn kọ̀n nado lá owẹ̀n Emitọn na mẹhe nọ wá basi sinsẹ̀n to finẹ lẹ. E dona dọna yé dọ: “Mì dejido ohó oklọ tọn lẹ go blo, gbọn didọ dali dọ, ‘Tẹmpli Jehovah tọn, tẹmpli Jehovah tọn, yèdọ tẹmpli Jehovah tọn wẹ ehe!’ . . . E họnwun dọ enẹ ma na hẹn ale depope wá na mì.” Ju lẹ to zọnlinzin gbọn mimọ dali, e ma yin gbọn yise dali, bo nọ to awagundo gando tẹmpli yetọn go. Yé ko wọn ohó avase tọn Jehovah tọn lẹ he dọmọ: “Olọn wẹ ofìn ṣie, podọ aigba wẹ tokloafọligbe ṣie. To whelọnu lo, ohọ̀ nankọ wẹ mìwlẹ sọgan gbá na mi?” E họnwun dọ Jehovah, yèdọ Oklunọ Nupojipetọ wẹkẹ gblagada ehe tọn ma sọgan nọ tẹmpli yetọn mẹ, mahopọnna lehe tẹmpli lọ jiawu do sọ!—Jelemia 7:1-8; Isaia 66:1.

10 Jelemia zindonukọn po nugbẹnamẹ sinsinyẹn etọn to gbangba po dọmọ: “Be mìwlẹ na nọ fìnnú, hùhlọ̀n, deayọ, whlé whiwhle lalo tọn, basi avọ́sinsan lẹ na Baali, bosọ hodo yẹwhe he mì ma ko yọnẹn lẹ, . . . bo na dọ dọ, ‘Míwlẹ na yin whinwhlẹngán,’ mahopọnna osùnú ehe lẹpo he mì to wiwà wẹ ya?” Ju lẹ, yèdọ ‘akọta dide’ Jiwheyẹwhe tọn, nọ lẹndọ ewọ na kẹalọyi walọyizan wunmẹ depope, eyin yé ko gbẹ́ nọ hẹn avọ́sinsan yetọn lẹ wá tẹmpli mẹ. Ṣigba, eyin yé nọ pọ́n ẹn hlan di otọ́ de he nọ joalọdokọji na ovi dopo akàn he e tindo, be yede klọ wẹ yé te.—Jelemia 7:9, 10; Eksọdusi 19:5, 6.

jr-F 21 huk. 12

Devizọnwiwa “to Azán Godo Tọn lẹ Mẹ”

12 To bẹjẹeji gandudu Jehoiakimi tọn, Jehovah dọna Jelemia dọ ni yì tẹmpli mẹ bo gblewhẹdo omẹ Juda tọn lẹ sinsinyẹn, na kanyinylan yetọn wutu. Yé nọ pọ́n tẹmpli Jehovah tọn hlan taidi obó hihọ́-basinamẹ tọn de. Ṣigba, eyin yé gbẹ́ tindo aṣa lọ nado “nọ fìnnú, hùhlọ̀n, deayọ, whlé whiwhle lalo tọn, basi avọ́sinsan lẹ na Baali, bosọ hodo yẹwhe” lẹ, Jehovah na gbẹ́ tẹmpli etọn dai. Podọ, e na wà nudopolọ na yẹnuwatọ he nọ basi sinsẹ̀n to tẹmpli lọ mẹ lẹ, dile e gbẹ́ gòhọtúntún lọ dai to Ṣilo do, to azán Yẹwhenọ Daho Eli tọn gbè. Otò Juda tọn na “yin gbigbakija.” (Jel. 7:1-15, 34; 26:1-6) Pọ́n lehe e na biọ adọgbigbo to Jelemia si do nado lá owẹ̀n enẹ! Diblayin dọ e wàmọ to gbangba to mẹhe diyin lẹ nukọn. To egbehe, mẹmẹsunnu po mẹmẹyọnnu delẹ po nọ mọdọ emi tindo nuhudo adọgbigbo mọnkọ tọn nado dekunnu to tòhomẹ-liho lẹ ji kavi dọhona adọkunnọ lẹ kavi omẹ nukundeji lẹ. Ṣigba, mí sọgan deji dọ: Jiwheyẹwhe na nọgodona mí, dile e wà na Jelemia do.—Heb. 10:39; 13:6.

w88-F 1/4 13 huk. 15

Jelemia—Yẹwhegán He Lá Whẹdida Jiwheyẹwhe Tọn bọ Gbẹtọ lẹ Gbẹwanna Ẹn

Juda Jiya Kọdetọn lọ Tọn

15 To nudi 632 J.W.M., Asilia jai jẹ alọ Kaldeanu lẹ po Medianu lẹ po tọn mẹ, bọ Egipti wá lẹzun akọta pẹvide to hùwaji Juda tọn. Owù he mẹ Juda tin te wẹ mẹgbeyinyan he na wá sọn agewaji. Enẹwutu, Jelemia dona do owẹ̀n ylankan delẹ na Ju hatọ etọn lẹ! “Pọ́n! Akọta de ja sọn agewaji . . . Kanylantọ wẹ yé bọ yé masọ tindo lẹblanu. . . . Yé na tọ́nawhàn we taidi sunnu awhànfuntọ de, hiẹ viyọnnu Ziọni tọn E.” Huhlọn aihọn tọn he to gandu to ojlẹ lọ mẹ wẹ Babilọni. E yin nuyizan de he Jiwheyẹwhe na yizan nado sayana akọta Juda tọn he ma tindo yise.—Jelemia 6:22, 23; 25:8, 9.

20-26 MARS

it-1-F 506 huk. 4-7

Kukumbeli

Dòtin, opò po nuyizan devo lẹ po sọ nọ yin whiwhè do ogle he yin lilẹ̀ lẹ mẹ nado yàn kanlin lẹ, podọ yẹwhegán Jelemia yí nuyizan unbọpẹnnọ enẹlẹ, yèdọ “yẹblẹ de to ogle kukumbeli tọn mẹ” jlẹdo boṣiọ he akọta boṣiọ-sẹ̀ntọ lọ lẹ basi lẹ go.—Jel. 10:5.

27 MARS–2 AVRIL

jr-F 51 huk. 17

Họ́ Dewe Sọta Ahun He Nọ Klọmẹ

17 Azọ́ndenamẹ Jelemia tọn biọ tonusisena anademẹ Jiwheyẹwhe tọn. Eyin hiẹ wẹ tin to otẹn Jelemia tọn mẹ, be a na kẹalọyi anademẹ depope he yin nina we ya? To ojlẹ de mẹ, Jehovah dọna Jelemia dọ ni yí gbànnú alavọ tọn de bo blá do alinkàn. Enẹgodo, Jiwheyẹwhe biọ to e si nado zinzọnlin yì Euflate. Eyin a pọ́n yẹdide otò tọn ji, a na mọdọ ehe biọ gbejizọnlin zinzin na kilomẹtlu 500. Eyin Jelemia jẹ finẹ, e dona whlá gbànnú lọ do osé-slo de mẹ bo nasọ zingbejizọnlin lẹkọyi Jelusalẹm. To godo mẹ, Jiwheyẹwhe sọ biọ to e si nado lẹkọyi ze gbànnú lọ. (Hia Jelemia 13:1-9.) To popolẹpo mẹ, Jelemia na zingbejizọnlin na nudi kilomẹtlu 2 000. Mẹhe nọ mọhodọdo Biblu go lẹ sọgan nọma yise dọ e na zingbejizọnlin dindẹn enẹ, na osun lẹ. (Ẹzla 7:9) Ṣigba, nuhe Jiwheyẹwhe dọ niyẹn, podọ nuhe Jelemia sọ wà niyẹn.

jr-F 52 huk. 18

Họ́ Dewe Sọta Ahun He Nọ Klọmẹ

18 Yí nukun homẹ tọn do pọ́n yẹwhegán lọ, dile e to osó Juda tọn lẹ hẹ, ehe to aliho he e dona gbọn ji, yèdọ aliho he yì Euflate. E to ehe lẹpo wà nado yì whlá gbànnú alavọ tọn de poun! Ojlẹ dindẹn he e zan sọgan ko dọ̀n ayidonugo kọmẹnu etọn lẹ tọn. To whenue e lẹkọ, gbànnú alavọ tọn lọ masọ to e si ba. Enẹgodo, Jiwheyẹwhe biọ to e si nado vọ́ gbejizọnlin lọ basi nado yì gọ̀ gbànnú lọ ze, amọ́ e ko gble bo “masọ yọ́n-na-yizan to aliho depope mẹ ba.” Pọ́n lehe e na ko bọawu do nado dọ dọ: ‘Tukladomẹ tẹ die! Ale de ma ka to e mẹ.’ Ṣigba na e dike bọ Jiwheyẹwhe deanana ẹn wutu, e ma lẹnnupọn domọ. Kakati nado wule, e wà nuhe yin bibiọ to e si!

jr-F 52 huk. 19-20

Họ́ Dewe Sọta Ahun He Nọ Klọmẹ

19 Gbejizọnlin awetọ lọ godo wẹ Jiwheyẹwhe wá basi zẹẹmẹ whẹho lẹ tọn. Nuyiwa Jelemia tọn wleawuna ẹn nado lá owẹ̀n titengbe de: “Mẹylankan ehelẹ he nọ gbẹ́ nado setonuna ohó ṣie lẹ bo nọ yí tasinsinyẹn do yinuwa sọgbe hẹ ahun yetọn titi, bo nọ hodo yẹwhe devo lẹ bo nọ sẹ̀n yé bosọ nọ litaina yé, na taidi gbànnú ehe he masọ yọ́n-na-yizan to aliho depope mẹ ba.” (Jel. 13:10) Aliho jiawu nankọ die Jehovah yizan nado plọn omẹ etọn lẹ! Tonusise ahundopo tọn Jelemia tọn na Jehovah to nuhe taidi nutata enẹ mẹ yí adà titengbe de wà to vivẹnudido Etọn nado jẹ ahun gbẹtọ lọ lẹ tọn mẹ.—Jel. 13:11.

20 To egbehe, e ma nọ yin bibiọ to Klistiani lẹ si nado zingbejizọnlin na kilomẹtlu susu lẹ, nado mọ nuplọnmẹ Jiwheyẹwhe tọn tangan de yí. Ṣigba, be kọmẹnu lẹ kavi hagbẹ lẹ nọ biọ bẹwlu mẹ kavi mọhodọdo gowe, na gbẹzan Klistiani tọn towe wutu ya? E sọgan yin aṣọ́dido po nusisọ́ towe po, nudide towe gando wepinplọn go, nuhe a de nado doafọna kavi pọndohlan towe gando ahàn sinsinyẹn nùnù go. Be a na magbe nado hodo anademẹ Jiwheyẹwhe tọn dile Jelemia wà do ya? Eyin a dike bọ Jiwheyẹwhe deanana ahun towe to nudide towe lẹ mẹ, e na dekọtọn do kunnudide dagbe mẹ. Depope he whẹho lọ na yin, tonusisena anademẹ Jehovah tọn he tin to Ohó etọn mẹ lẹ po alọkikẹyi anademẹ he nọ yin nina gbọn afanumẹ nugbonọ lọ dali lẹ po nọ yin na dagbe towe kakadoi. Kakati nado dike ahun he nọ klọmẹ ni deanana we, a sọgan yinuwa taidi Jelemia. Enẹwutu, magbe nado dike Jiwheyẹwhe ni deanana we; dike ni diọ we zun núzinzan yẹyinọ he na dẹn-to-aimẹ de.

it-1-F 1070 huk. 15

Alinkàn

Jehovah dlẹnalọdo owhé Islaeli po Juda po tọn lẹ taidi gbànnú he yin sìnsìn do alinkàn etọn, e tẹ́ yé do alinkàn ede tọn gbanun-gbanun, na yé nido lẹzun pipà de po onú whanpẹnọ de po hlan ẹn. (Jel 13:11) To dọdai-liho, Jesu Klisti yin alọdlẹndo taidi mẹhe to gandu to dodowiwa mẹ, taidi gbànnú he to alinkàn na ẹn, podọ to nugbonọ-yinyin mẹ taidi gbànnú he to adàja etọn mẹ. Ehe sọgan to alọdlẹndo nugopipe he Jesu Klisti tindo nado tẹdo dodowiwa po nugbonọ-yinyin po go majomajo. Taidi gbànnú he nọ basi hihọ́namẹ, dodowiwa he yin nujinọtedo walọ dagbe tọn de, nọ hẹn ẹn penugo nado yinuwa taidi Whẹdatọ dide Jehovah tọn.—Isa 11:1, 5.

jr-F 118 huk. 11

Be A Nọ Kanse to Azán Lẹpo ji Dọ, “Fie Wẹ Jehovah te” Ya?

11 Kanbiọ de nọ duahunmẹna Jelemia, eyin e mọ kọdetọn dagbe mẹylankan lẹ tọn. (Hia Jelemia 12:1, 3.) Dile etlẹ yindọ yẹwhegán lọ ma tindo ayihaawe paali gando dodowiwa Jehovah tọn go, e to gblọndo dín na “ahunmẹdunamẹnu” etọn. Nuhe to ahun ji na ẹn didọ tlọlọ dohia dọ e tindo haṣinṣan pẹkipẹki de hẹ Jiwheyẹwhe, dile ovi de nọ tindo hẹ otọ́ yiwanna etọn do. Nulọ poun wẹ yindọ Jelemia ma yọ́n nuhewutu Ju susu to kọdetọn dagbe tindo, mahopọnna kanyinylan yetọn. Be Jelemia mọ gblọndo dagbe de na kanbiọ etọn ya? Jehovah hẹn ẹn deji dọ Emi na de mẹylankan lẹ sẹ̀. (Jel. 12:14) Dile Jelemia mọ gblọndo na whẹho he e zedo alọmẹ na Jiwheyẹwhe to odẹ̀ mẹ lẹ, jidide etọn to whẹdida dodo Jiwheyẹwhe tọn mẹ dona ko lodo dogọ. Taidi kọdetọn de, Jelemia dona ko nọ lẹhlan Jiwheyẹwhe dè to odẹ̀ mẹ dogọ, bo nọ dọ nuhe to ahun ji na ẹn na Otọ́ etọn.

    Gun Publications | (1976-2025)
    Ṣí Adà Towe
    Hùn Adà Towe
    • Gungbe
    • Dohlan
    • Nujlomẹ Lẹ
    • Copyright © 2025 Watch Tower Bible and Tract Society of Pennsylvania
    • Osẹ́n Nọtẹn lọ Tọn Lẹ
    • Osẹ́n Nudọnamẹ Mẹdetiti Tọn
    • De Osẹ́n Nudọnamẹ Tọn Lẹ
    • JW.ORG
    • Hùn Adà Towe
    Dohlan