Mì Dibusi Yé Blo!

1. Mì zindonukọn, ’mẹ ṣie lẹ,

Mì lá ’wẹ̀n Họl’du lọ tọn.

Mì dibusi kẹntọ blo.

Na jlodotọ lẹ ni yọnẹn

Dọ Ovi ṣie he to gandu

Ko yàn kẹntọ sọn ’lọn mẹ;

E na blá Satani Lẹgba

Bo tún mẹlẹpo dote.

2. Yin kẹntọ towe lẹ tlẹ sù

Bo nọ to ṣinṣàn we kò,

Yin yé tlẹ yẹdoklọ we

Bo nọ vivi-nù na we.

Mì jaale, nugbonọ ṣie lẹ,

Mì ma dibusi yé blo,

Na yẹn na whlá nugbonọ ṣie

Kaka mí nado gbawhàn.

3. Ma vẹ̀do dọ n’wọn we blo;

A pò to hihọ́ ṣie glọ.

Yin a tlẹ hẹn ’gbẹ̀ t’we bu,

’Kú ma yin nude na mi.

Ma hà agbasa hùtọ blo,

E ma gán hù alindọn.

Saa yin nugbonọ jẹ pòdo;

Yẹn na gọalọna we!