Kunnudenu He Sọgbe bo Dutomẹji

Luku 1:3

BLADOPỌ: Yí kunnudenu he go yè sọgan dejido lẹ zan nado hẹn hosetọ towe lẹ wá tadona he sọgbe lọ kọ̀n.

NUHE A NA WÀ:

• Dindonanu sọn asisa dejidego lẹ mẹ. Ze zẹẹmẹ towe lẹ sinai do Ohó Jiwheyẹwhe tọn ji bo nọ hia yé sọn e mẹ tlọlọ whedepopenu he e yọnbasi. Eyin a dlẹnalọdo nudọnamẹ lẹnunnuyọnẹn tọn de, linlin de, numimọ de, kavi kunnudenu wunmẹ devo depope, nọ dindona jẹnukọn eyin asisa nudọnamẹ lọ tọn sọgan yin jidedego bosọ yin agọe tọn.

• Yí asisa nudọnamẹ tọn lẹ zan ganji. Nọ basi yọ́n-na-yizan wefọ lẹ tọn sọgbe hẹ lẹdo hodidọ lọ tọn, owẹ̀n Biblu tọn to blebu mẹ, gọna zinjẹgbonu “afanumẹ nugbonọ podọ nuyọnẹntọ lọ” tọn lẹ. (Mat. 24:45) Nọ yí alọdlẹndonu aihọn tọn lẹ zan sọgbe hẹ ninọmẹ he mẹ yé yin kinkan te po lẹndai wekantọ lọ tọn po.

• Hẹnmẹ lẹnnupọndo kunnudenu lẹ ji. To wefọ de hihia kavi hoyidọ sọn asisa de mẹ godo, nọ yí zinzin do kàn kanbiọ lẹ sè kavi nọ na apajlẹ de nado de nuagokun lọ tọ́n, na hosetọ towe lẹ nido wá tadona he sọgbe lọ kọ̀n na yede.