A Gán Dọyẹwheho Bosọ Plọnnumẹ!

To bẹjẹeji, Mose lẹndọ emi ma pegan nado wazọ́n he Jehovah dena emi. (Eks 4:10, 13.) Be a ko tindo numọtolanmẹ mọnkọ pọ́n ya? Be Biblu plọn hẹ Kunnudetọ Jehovah tọn lẹ a te ya? Be a nọ kanse dewe eyin e na pà we gbede nado dekunnu sọn whédegbè jẹ whédegbè wẹ ya? Kavi vlavo jọja he e nọ vẹawuna nado dekunnu to wehọmẹ de wẹ a yin. Kavi obu nọ di we nado tindo mahẹ to kunnudide gbangba tọn wunmẹ delẹ kavi alokan ji tọn mẹ. Nọ vẹ̀ Jehovah nado na we huhlọn gbọn gbigbọ wiwe etọn gblamẹ. (1Pi 4:11) Deji dọ ewọ na gọalọna we to azọ́ndenamẹ depope he e dena we mẹ.—Eks 4:11, 12.

PỌ́N VIDEO LỌ YIN ADỌGBOTỌ . . . TAIDI WẸNLATỌ DE, ENẸGODO NA GBLỌNDO NA KANBIỌ HE BỌDEGO LẸ:

• Nuhahun tẹwẹ Mẹmẹyọnnu Aoyama pehẹ?

• Fitẹ wẹ e mọ huhlọn po adọgbigbo po yí te?—Jel 20:7-9

• Ale tẹlẹ wẹ e mọyi to whenue e dovivẹnu nado wà susu dogọ to sinsẹ̀nzọn Jehovah tọn mẹ?

• Nuhahun tẹlẹ wẹ Jehovah gán gọalọna we nado pehẹ to lizọnyizọn lọ mẹ?