WESẸDOTẸN INTẸNẸT JI TỌN Watchtower Tọn

WESẸDOTẸN INTẸNẸT JI TỌN

Watchtower Tọn

th nupọnnamẹn 12 w. 15
Homẹdagbe po Awuvẹmẹ po Didohia

Jo Dewe Na Wehihia po Mẹpinplọn Po

th nupọnnamẹn 12 w. 15

NUPỌNNAMẸ 12

Homẹdagbe po Awuvẹmẹ po Didohia

Wefọ he yin dide

1 Tẹsalonikanu lẹ 2:7, 8

BLADOPỌ: Nọ dọho po numọtolanmẹ nujọnu tọn po bo dohia hosetọ towe lẹ dọ a nọ hò yetọn pọ́n.

NUHE A NA WÀ:

Lẹnnupọndo hosetọ towe lẹ ji. Nọ flin nuhahun he pehẹ yé te lẹ nado wleawuna ahun towe. Tẹnpọn bo yọ́n numọtolanmẹ yetọn.
Yí sọwhiwhe do de hogbe towe lẹ. Dovivẹnu nado fakọnamẹ, miọnhomẹnamẹ bo vọ́ huhlọn namẹ. Dapana hogbe he gán hẹn homẹgble hosetọ towe lẹ bo ma nọ dọho to aliho de mẹ nado de mayisenọ lẹ kavi nuyise yetọn lẹ pò blo.
Do ojlo hia to hosetọ towe lẹ mẹ. Yí kọnugbè he gọ́ na homẹdagbe po gòwhinwhàn he jẹ lẹ po zan nado dohia hosetọ towe lẹ dọ a nọ hò yetọn pọ́n nugbonugbo. Payi awusọhia nukunta towe tọn go; nọ konu yẹsẹ sọn ojlẹ de mẹ jẹ devo mẹ.

Ma dike numọtolanmẹ didohia towe ni zẹ̀pá bo lẹzun wadohia blo. Eyin a to wehia, nọ do numọtolanmẹ he adà lọ bẹhẹn lẹ hia, amọ́ ma nọ dọ̀n ayidonugo wá dewe ji zẹjlẹgo blo. To whenuena e yindọ nùzinzindo wekun asu lẹ ji nọ zọ́n bọ hodidọ nọ sinyẹn bo nọ to kàunkàun, nọ zinnudo wekun asi lẹ ji na kọnugbè towe nido dọnmẹ.