Bẹsọn osun ehe mẹ, opli osẹ ṣẹnṣẹn tọn ma nasọ nọ bẹ nuzedonukọnnamẹ voovo atọ̀n hẹn ba. Kakatimọ, Nuplọnwe Opli Gbẹzan po Lizọnyizọn Mítọn po Tọn na nọ bẹ hodọdopọ hẹ whétọ lẹ hẹn, ehe na nọ tindo kanbiọ de, wefọ de, gọna kanbiọ he na yin hodọdeji to gọyìpọn he na bọdego whenu. Video hodọdopọ hẹ whétọ lẹ tọn dopo wẹ na nọ yin hihò to osẹ dopo mẹ. Wẹnlatọ dopodopo sọgan de owe he e na yizan to Azọ́nwanu Mẹpinplọn tọn mítọn lẹ mẹ po whenue e na ze e donukọnnamẹ po—vlavo to dlapọn tintan kavi gọyìpọn whenu. Humọ, nuplọnwe opli tọn na nọ bẹ nudọnamẹ lẹ he na yin hodọdeji to gọyìpọn awe he na bọdego lẹ whenu hẹn. Ehe na gọalọna mí nado ze ayiha do yanwle mítọn ji, enẹ wẹ nado plọnnu “mẹhe tindo ninọmẹ ahun mẹ tọn he jẹna ogbẹ̀ madopodo lẹpo.”—Ow 13:48.
Azọ́ndenamẹ Wehọmẹvi Tọn: Wehọmẹvi lẹ dona nọ hodo apajlẹ hodọdopọ hẹ whétọ lẹ tọn to azọ́n yetọn lẹ whenu, adavo anademẹ lẹ gbọnvo.