Nọ Gọalọna Biblu Plọntọ lẹ Nado Nọ Yì Opli Lẹ

Opli agun tọn lẹ yin nujọnu taun to sinsẹ̀n-bibasi wiwe-ṣeke mẹ. (Slm 22:22) Mẹhe nọ pli nado sẹ̀n Jehovah lẹpo wẹ nọ do ayajẹ bo nọ mọ dona susu. (Slm 65:4) To paa mẹ, plọnmẹ Biblu he nọ wá opli whẹwhẹ lẹ nọ yawu yinukọn to gbigbọ-liho.

Etẹwẹ a gán wà nado gọalọna plọnmẹ Biblu towe lẹ na yé nido nọ wá opli lẹ? Agbọ́ ni ma pé we nado nọ basi oylọna yé blo. Nọ do video lọ Etẹwẹ Nọ Jọ to Plitẹnhọ Ahọluduta Tọn? hia yé. Nọ dọ ale he opli lẹ nọ hẹnwa lẹ na yé. (lff nupinplọn 10) Di apajlẹ, a gán dọ nudagbe he a plọn to opli de whenu na nuplọntọ towe kavi nue ji yè na dọhodo to opli he ja whenu. Nọ yí owe he yè na zan lẹ na nuplọntọ lọ. A gán sọ gọalọ, eyin e biọ domọ. Di apajlẹ, a gán na ẹn amì-kuẹ. Whla tintan he nuplọntọ towe na wá opli, a na mọdọ emi ma jẹtukla tata.—1Kọ 14:24, 25.

PỌ́N VIDEO LỌ NỌ GỌALỌNA BIBLU PLỌNTỌ TOWE LẸ NADO NỌ YÌ OPLI LẸ, ENẸGODO NA GBLỌNDO NA KANBIỌ HE BỌDEGO LẸ:

• 

  Dotẹnmẹ tẹwẹ Anita yizan nado bayi oylọna Jani wá opli?

• 

  Naegbọn e nọ vivi na mí eyin Biblu plọntọ de wá opli?

• 

  Nawẹ e ṣí na Jani whla tintan he e wá opli?