Nọ Gọalọna Biblu Plọntọ Towe lẹ Nado Wleawuna Haṣinṣan Mẹdetiti Tọn de hẹ Jehovah

Jehovah nọ jlo dọ mí ni desọn owanyi mẹ do sẹ̀n emi. (Mt 22:37, 38) Owanyi he plọnmẹ Biblu mítọn lẹ do na Jiwheyẹwhe wẹ na gọalọna yé nado basi diọdo he jẹ lẹ bo nọtegli to whlepọn nukọn. (1Jo 5:3) Owanyi he yé do na Jiwheyẹwhe wẹ nasọ whàn yé nado yí baptẹm.

Nọ gọalọna nuplọntọ towe nado mọdọ Jiwheyẹwhe yiwanna ẹn. Nọ kàn kanbiọ taidi ehe nkọ lẹ sè e: “Etẹwẹ ehe plọn we gando Jehovah go?” kavi “Nawẹ ehe yin kunnudenu dọ Jiwheyẹwhe yiwanna we gbọn?” Nọ gọalọna ẹn nado nọ doayi alọ Jehovah tọn go to gbẹzan etọn mẹ. (2Ot 16:9) A gán nọ donù apajlẹ delẹ go he do lehe Jehovah sè odẹ̀ towe lẹ do hia. Nọ na ẹn tuli nado nọ doayi lehe Jehovah nọ sè odẹ̀ ewọ lọsu tọn lẹ do go. Ayajẹ towe na sù to whenue a na mọdọ nuplọntọ towe doayi e go dọ Jehovah yiwanna emi, bọ ewọ lọsu wá yiwanna ẹn bo tẹdo e go.

PỌ́N VIDEO LỌ NỌ GỌALỌNA BIBLU PLỌNTỌ TOWE LẸ NADO WLEAWUNA HAṢINṢAN MẸDETITI TỌN DE HẸ JEHOVAH, ENẸGODO NA GBLỌNDO NA KANBIỌ HE BỌDEGO LẸ:

• 

  Nuhahun tẹwẹ Jani pehẹ?

• 

  Nawẹ Anita gọalọna ẹn gbọn?

• 

  Nawẹ Jani wá duto nuhahun lọ ji gbọn?