Dhɩ jhia -aʋ ˈdhei a mun in -nɩn ˈmɛn jheejhee?: Dhɛwɛ- Ɲɔnsoa aˈ ˈBheɔglɔ ɔ mun -nʋn -ɛn?

‘Dhɛ nɔnˈˈ ɔn zianˈˈ an, ɛɛ nʋɛnˈ ɲʋn an yea ˈkle ˈjhe, gwlɛ ɛɛ yea i zaa ˈˈdhe ˈˈnin an yea man. Nɔnˈˈ ɔnˈ ˈˈɩ zian an za ˈpʋɔˈ -klaeˈˈ ˈˈbhlo -ɩan- kɔɔ ɲʋn anˈ ˈˈgbi -e ʋaˈ -duuˈˈ dhɩ -e ʋaˈ dhiidhɩ-. ˈJhru aˈ nɛn ɛn dhbhaˈ dhɩ nɩan ˈe ˈtɔnin ˈzɔn ˈmɛn.”— Inger Andersen, Directrice exécutive du Programme des Nations Unies pour l’environnement et Secrétaire générale adjointe, Organisation des Nations Unies, 25 Juillet 2023.

ˈBhlʋɩbhleʋn- ˈbhɛɛ ʋʋ ˈye -da dhueˈ ˈkpa ʋʋ ˈye ˈkledɩ- -ɩan- ˈkpa ˈbhlʋɩ aˈ klɛɛ dhi i -za -a? Ʋʋ ˈbhɛɛ ˈmɛn ˈjɛɛn- ʋʋ ˈyeɛ nʋn ɩn ˈye igwɛ-?

Biiblʋ ˈnaan ɲʋn ˈbhle -glibha- dhueˈ -ɔ ˈbhɛɛ- ˈˈdhe -ɔɔ mun ˈkledɩ aˈ klɛɛ -ɩan- kpa ɲʋn in da ˈbhlʋa ˈˈkpe i -za. Ʋn ˈnaan: “Ɲɔnsoa a muɛn ˈBheɔglɔ- -dhueˈ ˈˈdu-,” ˈbheɔglɔ- -ˈnɔn ɔn muɛn ˈbhlʋa aˈ dɩ ˈˈdu-. (Daniel 2:44) ˈBho ˈbheɔglɔ- -ˈnɔn ɔnˈ ɲʋnbhleɛ ɛˈ nɔnˈˈ ɔn, “ɲɔn ˈse ɲɔn dhɛsaʋn- ˈˈdhrui -nʋn in” -aeˈˈ ʋʋ ˈse ˈbhlʋa- ˈkɔɔ i -ke.​—Isaïe 11:9.