Dhɛwɛ- Ɲɔnsoa aˈ ˈBheɔglɔ ɔ mun -nʋn ˈdhe kuizɔinflɔɛn ɛnˈ dɩ ˈdhi -ɛ?

“Dhɛ COVID-19 gwɛa i ɛ, -ˈmɛn -aaˈ nʋn -e ka -dhe ɛ nɩn ˈghwɛ -ɛɛ gbaa i da ˈbhlʋa aˈ klɛɛ ˈˈkpe ɛˈ dhebhɔɔ- -nɛn.... Dhɛ -a dea -gwlɩˈˈ -mɛn -nɩn ˈghwɛ -klaaˈˈ -dhee -ˈnɛɛn -ɛn muɛn -jhi ˈdhe ˈkmʋn anˈ ɲan. ˈKlaa -a ˈye ˈe gbaˈ.”—Dr. Tedɔsɩ Adanɔmʋn Gebeyesusɩ, director-general of the World Health Organization, 2023 Dao- 22.

Ɲʋn anˈ -da -duuˈˈ COVID-19 ˈˈdu kui ˈzɔn in -pooa- -e ˈˈdhru ˈdhi ghwɛ ˈˈbun. ˈBhlʋɩbhleʋn- -e ɲʋn -an ˈˈduaˈˈ ɲʋn anˈ kuizɔinflɔɛn ɛnˈ dɩ ɛ, ʋʋ gbaeˈ ˈmɛn ˈjɛɛn- ʋaˈ ˈsʋ ˈye -aaˈ kuizɔinflɔɛn ɛnˈ dɩ ˈˈdu?

Biiblʋ a ˈtmʋɛn ˈbhleɔglɔ dhueˈ -ɔ ˈbhɛɛa -ɔ ˈyea -aaˈ kuizɔinflɔɛn ɛnˈ dɩ ˈˈdu ɔɔˈ dɩ. Ʋn ˈnaan: ‘Ɲɔnsoa nɩan ˈe jhaʋn ˈdhi ɔɔ muɛn ˈo ˈBhleɔglɔ- dhueˈ i -de’. (Daniel 2:44) ˈBho ˈbheɔglɔ- -ˈnɔn ɔnˈ ɲʋnbhleɛ ɛˈ nɔnˈˈ ɔn, ‘ɲɔn dhueˈ ka se ka nʋin ‘ˈman -da -aa poa’’ (Isaïe 33:24) Ɲʋn anˈ klɛɛ muɛn kui ˈzɔn in -flɔn ˈˈdhe ʋʋ ˈye ˈkpɩ ˈbhle.​—Job 33:25.