Sedhɛbhleɛ-: Dhɛ Ɲɔnsoa aˈ ˈBhleɔglɔ ɔ muan -nʋn ɛn

Ɲʋn -duuˈˈ -nɩn da ˈbhlʋa ˈˈkpe -ʋʋ se ˈghwɛi ˈbhle -wɛeˈ -ʋʋ ˈye dhɛ dɩn -ʋʋ ˈye dhi. ˈˈDhe ɛɛˈ dhɛ tu ɛ, -ka zɔn ɔn zian ˈkamɔn- ɛɛˈ ˈˈɩkman an kpa ˈˈkpe.

• ˈˈKunanˈˈ ˈghwlʋaˈ ˈbhlʋɩ aˈ klɛɛ ˈdhii ɛ ˈseaˈ ˈo -gwle ˈnaan:a -Bho ɲɔn nʋn dhbho “geiˈˈ ɲʋn an zɔ ˈdhe ˈcʋ ˈdhi a cɛn ˈˈkpe.” ˈˈDhe ʋʋ de ˈo ʋʋ ˈnaan: “-Bho dhɛ se -nʋʋɛn ɛnˈ, dhɩ sea ˈˈɩsreɛ ɛ muɛn in -gbaa ˈˈdhe ɲʋn -an nʋan dhbho -e ʋaˈ ˈcɛ ˈse dhɛ ˈjhe i ʋʋ ˈse -dhii -ke.”

ˈBhlʋibhleʋn anˈ ˈsʋ ˈbhɛɛˈ ʋʋ ˈyeɛ nʋn ɲʋn anˈ klɛɛ ˈye dhɛ ˈjhe ʋʋ ˈye dhi ˈˈdhe sedhɛbhleɛ- ˈse i -nɩn in?

Biiblʋ ˈnaan -glibha- dhueˈ -nɩn ˈo -ɔ ˈbhɛɛ ˈˈdhe -ɔɔ muɛn -nʋn sedhɛbhleɛ -e dhɩ sea ˈˈɩsrɛˈ ˈse i -nɩn in ˈbhodhe. Ʋn ˈnaan: “Ɲɔnsoa nɩan ˈe jhaʋn ˈdhi ɔɔ muɛn ˈo ˈbheɔglɔ dhueˈ i -de” -ɔ ˈye ˈbhlʋa aˈ klɛɛ jie bho po. (Daniel 2:44) ˈBho ˈbheɔglɔ -ˈnɔn ɔnˈ ɲʋnbhleɛ ɛˈ nɔnˈˈ ɔn, ɲʋn anˈ klɛɛ ɛɛ muɛn dhɛ ˈjhe- ʋʋ ˈye dhi, ɲɔn dhueˈ ka ˈse ˈo -sie- i. (Psaume 9:18) Ɲɔnsoa aˈ ˈBheɔglɔ ɔ muɛn ɲʋn ɔɔ poa jie bho dhɩ kman ʋbʋ ˈˈbhli -wɛeˈ ʋʋ ˈyea ˈmʋnan inˈ -nɩn ˈˈɲɩn-. Ɲʋn anˈ klɛɛ ɛɛ muɛn dhbho ʋʋ poa ˈe ˈkpɩ ʋʋ nʋan trɔnˈ ˈdhi ˈjhee-.—Isaïe 65:21, 22.