Dhɛɛdɩ- ˈflɛ se ˈo ɲʋn ˈɲnɩn -nɩn -ɛn?: Dhɛwɛ- Biiblʋ a ˈtmʋn ˈdhe ɛɛˈ dɩ ˈdhi -ɛ?

Ɲʋnbhleʋn -e -glibhɩ -ˈnɩɩn nɩan da ˈbhlʋa ˈˈkpe se ˈbhɛɛ- ɩn ˈyeɛ nʋn ˈflɛ ˈye ˈo ɲʋn ˈɲnɩn -nɩn. -Ɛ tbha ˈo -Dhiman tʋ aˈ ˈsɔɔn -nʋn ˈˈkpe ɛ, tʋ aa kpʋʋa- ˈˈkpei da ˈbhlʋa ˈˈkpe. Ɲʋn nɩan ˈe ˈbhlʋɩ- ˈdhe ˈdhi tʋ a ˈkpa a, ʋʋ ˈbhɛɛˈ ɲʋn anˈ mlia ˈsɔɔn ˈmɛn. Dhɛ ɛ ˈdhaa -mɛn -nɩn ˈbhlʋɩ- ˈdhe dhɩ tʋ a ˈkpaa ɩn -diɛˈˈ.

Dhɛɛdɩ- ˈflɛ se ˈo ɲʋn ˈɲnɩn -nɩn -ɛn? Dhɛwɛ- Biiblʋ a ˈtmʋn ˈdhe ɛɛˈ dɩ ˈdhi -ɛ?

Dhɩ aˈ kpɛ taan anˈ dɩ ˈflɛ se ˈo ɲʋn ˈɲnɩn -nɩn

1. 1. Ɲʋn an tɔˈinaansʋn an nʋɛnˈ ʋʋ se ˈbhɛɛ- ʋʋ ˈye ˈflɛ ˈmʋn in -nɩn. Biiblʋ ˈnaan ˈnɔn -aaˈ nɔnˈˈ ɔn, “Dhɛbhleɛ ɲʋn an muɛn ʋaˈ ˈˈjɛ ɛˈ dɩ -kman, ʋa muɛn ˈghwɛi aˈ dɩ -kman, ʋa muɛn ʋaˈ ˈˈjɛ dɩ bho -po, ʋʋ ˈye ʋaˈ ˈˈjɛ ˈˈɩ ˈbhɛɛ-, [...] ʋʋ ˈse ˈo bha ˈˈbun in -kpʋn in, [...] ʋʋ ˈse ghwluiŋwɔɔn- in, [...]. ʋʋ ˈse ʋaˈ ˈˈjɛ i -kpʋɛn ˈbhɛɛ- i, ʋa muɛn ˈdhiŋwɔnɲnin-, [...]. ʋa muɛn ˈˈdhruku-, ˈˈjɛ ˈˈɩ ˈbhɛɛ- ˈyʋbʋ ˈmʋn ˈˈjhi.”​—2 Timothée 3:2-4.

2. 2. Ɲiɔo- se ˈbhɛɛ- ʋʋ ˈye ʋaˈ ˈkledɩ gwɛ -bho ʋaˈ Nʋʋin- Ɲɔnsoa Zoovaa sʋbʋ sʋn bho po ɛˈ. Biiblʋ ˈnaan, “ɲʋn -ɔɔ nan se ˈbhɛɛ- ɔ ˈye ɔɔˈ bhɩ jie bho po.”​—Jérémie 10:23.

3. 3. ˈBhlʋa aˈ klɛɛ nɩan ˈo ɲʋnbhlei- dhueˈ -ɔ ɲnian ˈdhi ŋwɔn ˈˈdhe “-ɔɔ ˈˈbhila ɲʋn anˈ klɛɛ ɛˈ ˈˈdhrui -ɔ nɩan Ɲɔnsaʋn- Satan anˈ ˈˈɩkmansʋn ˈzɔn.” (Révélation 12:9) Nɔnˈˈ ɔnˈ klɛɛ “ˈbhlʋa a muan ˈe Ɲɔnsaʋn ɔnˈ ˈˈɩkmansʋn ˈzɔn” -nɩn ɛn, tʋ a muɛn ˈkpa-.​—1 Jean 5:19.

-Ɔɔ mun ˈflɛ da ˈbhlʋa ˈˈkpe -jha -a?

Biiblʋ ˈnaan ɲiɔo- se ˈbhɛɛ- ʋʋ ˈyeɛ nʋn ˈflɛ ˈye da ˈbhlʋa ˈˈkpe -nɩn -bho ɛ se Ɲɔnsoa aˈ ˈsʋ -nɩn ɛnˈ.

• “‘ˈKlaa ˈɩn jhibho- dhɛ ˈman ˈbɔan ˈdhe aʋaˈ dɩ ˈdhi ˈmɛn, ˈkamɔn Zoova ˈdha. Ɛ nɩn ˈflɛ ˈman ˈbɔn aʋ ˈye ˈjhe ɛ se dhɛsaʋn -nɩn. ˈMan ˈbɔn ˈye aʋ ˈkmʋn ˈdhɔɛe -e -pɛɛɩthbadhɛ ˈˈɲɩn.’”​—Jérémie 29:11.

-Kawɛ Ɲɔnsoa ˈye ɛɛˈ dhɛ tu ˈbho -ɲnian -an? “Ɲɔnsoa -ɔɔ ˈˈɲɩanˈˈ ɲʋn ˈflɛ ɛɛ muɛn Satan in -ghwaa.” (Romains 16:20) Ɲɔnsoa a muɛn ˈBheɔglɔ- nɩan ˈe jhaʋn ˈdhi ɲɔn ɔn ˈdhaa “Ɲɔnsoa aˈ ˈBheɔglɔ,” i -jhii -wɛeˈ ɔ ˈye ˈflɛ da ˈbhlʋa ˈˈkpe -jha, ˈkamɔn- Biiblʋ ˈdha. (Luc 4:43) ˈBho Zezi Klisɩ nɩan ˈBheɔglɔ- -ˈnɔn ɔnˈ ˈBheɔ ɔˈ ɲʋnbhleɛ- ˈzɔn ɔn, ɲʋn an muɛn ˈflɛ ˈmʋn in -de.​—Isaïe 9:6, 7.

• -Bho -ˈye ideedɩ- -ˈnɩn anˈ ˈdhe -zaa aˈ ˈjhe ɛˈ, -ˈmɛn zro “Dhɩwɛ- Ɲɔnsoa aˈ ˈBheɔglɔ ˈye nʋn -ɛn?” ˈdhii.