-Ziisaɩn- -nɩɛn- ˈˈkudhbhaʋn-!

Satan -e ɔɔˈ -ziisaɩn- -e, -ɛ -ˈghlʋa ˈe tɛnˈˈ kmʋn ˈdhi -ɛ -jhɛɛa ˈzɩan an, ʋʋ ɲniɛn ˈdhi ŋwɔn. ˈDhe tɛnˈˈ kmʋn ˈdhi ɛ, Satan pa ˈˈɩˈsrɛi- Zɔbʋ bho ɔ ye ɔɔˈ -nɩnandhɩ -e ɔɔˈ dhbhonʋʋn- ˈdhbha. ˈBho ɛ ˈdhe ɔ -jha “-bieˈ klaaˈˈ” -ɛ -bhluua- Zɔbʋ ɔˈ ˈˈɲnuun nɩan bue ˈˈgbu ˈˈdhru. Ɛ ˈghlʋa ˈo -kenɛnˈ ɛn, Satan -bhlaa Zɔbʋ “pliinˈˈ -ɛ -ˈghlʋa ˈe ɔɔˈ -bhein- bho -ɛ -jhɛɛa ɔɔˈ ˈˈdhru ɛ.”—Job 1:7-19; 2:7.

ˈDhe Zezi ɔˈ nɔnˈˈ ɔn, -ziisaɩn- poɛ ɲʋn -ˈnʋʋn ˈˈmuumun, ɩn ˈˈdhɔɔ- -ˈnʋʋn anˈ ˈˈjhri ˈmɛn. (Matie 9:32, 33; 12:22) Ɩn -seaa- ˈˈjhu dhueˈ ˈmɛn ˈsʋ ɔɔ ˈˈdhuɛ ˈˈsei ˈmʋn ɔɔ yea ɔɔˈ ˈˈjɛ ɛˈ ku i ˈfae. (Makɩ 5:5) Ɩan ‘ˈjheeɛ ˈˈjhu ˈˈzaan dhueˈ ˈkle’ -ke ˈdhe- ˈsʋ ɔɔ yea iˈˈghwɔɔ, ɔɔ yea iˈgea.—Lukɩ 9:42.

ˈZɩan -ke ɛ, Satan -e ɔɔˈ -ziisaɩn- an kpa dhɩsaɩn- nʋanˈ ɲan. Ɩn ˈghlʋa ˈe jhaʋn ˈdhi -wɛeˈ ɩn nɩan da ˈbhlʋa ˈˈkpe ˈbhodhe ɛ, ɛ nʋɛnˈ ɩanˈ dhɩsaɩn- ziɛ -jeˈˈ. Dhɩ -ɩan- nʋʋan ˈbhlʋɩ ˈdhii ɲɔn ɔn ˈŋwɔan an, ɩan toɛˈ -ka -ziisaɩn- ɲnian ˈdhi ŋwɔn ɔn. Ɩan ˈˈduɛ ɲʋn ˈghwɛ. Ɩan poɛ -ˈnʋʋn faʋnˈ, ɩan jhaa ʋbʋ jhɩ -saɩn-, ɩan cɛn -ˈnʋʋn ˈˈɲɩnɔn ˈˈjhri. Ɩan nʋɛn -ˈnʋʋn ˈɲnɔn ˈmʋn. Ɩan poɛ ɲʋn -ˈnʋʋn sɩnan ˈˈjhri, ɩan ˈˈtun -ˈnʋʋn ˈmɛn ʋa yea ɲʋn ˈdhbha, ɩan ˈˈtun -ˈnʋʋn ˈmɛn -ke ʋa yea ʋaˈ ˈˈjɛ ˈdhbha.

ˈƝnɔnkpaoˈ dhueˈ ɲɔn ɔn ˈdhaa Lintina, -ʋn -ˈghlʋa ˈe Surinamʋn -bhlʋaˈ a, ʋn ˈnaan, -ziisaɩn- ˈdhbha ʋanˈ ˈcɛ ɛˈ 16. Ɩn ˈˈduɛ ʋanˈ ˈˈjɛ ˈkle ˈdhe zɩn anˈ 18 ˈdhi. Dɩ ʋn ˈjhea ˈdhe ʋanˈ ˈˈjɛ ɛˈ ˈkmʋn ˈdhi ɛ, ɩmɩn- ʋn tbha ˈo ˈˈkpe -wɛeˈ ʋn ˈnaan “ɲʋn -anˈ ˈŋwɔɔan -ziisaɩn- anˈ dɩ ɛ, ɩan ˈˈdubʋ ˈkle, -zɔn -dhee -ˈnɔɔn ɩan ˈdhbhʋbʋ ˈmɛn. -Bho ɩan sɛ nʋn ɛnˈ, ɛ ˈbhleɛ ɩanˈ ˈmʋnan-.”

ˈKlaa Zoova ˈbhɛɛˈ ɔ ˈye ɔɔˈ dhbhonʋʋn- bho -sie- -wɛeˈ Satan -saˈ ʋbʋ dhɛsaʋn- ˈˈjhrii nʋn.—Iiˈˈbhlaadhɩ- 18:10.