ˈFɔ 1 anˈ -deeghwlu-

-Ka dhɩ jhia -aʋ ˈdhei nʋan -nʋʋɛn sʋn ɛn, ɛmɛn- ɛnˈ dɩ Biiblʋ aˈ ˈsɛɛ- kɔan ɲan an ˈtmʋn. Dhɩ ˈdhɔɛeˈ Zoova nʋan -ɩn nɩan ˈe jhaʋn ˈdhi -e da ˈbhlʋa ˈˈkpe ɛ, ɩanˈ dɩ -mɩn ɛɛ ˈtmʋn. -Bho a -nɩn ˈdhou -aeˈˈ -bho -nɩn ˈˈbho ɛˈ, po -manˈ ˈˈjhu sʋn bho, ɔ ˈyeɛ ˈˈkpei ˈjhe -ka dhɩ jhia -aʋ ˈdhei Ɲɔnsoa nʋan, ɩan ˈˈmaan ɲʋn tɔˈ. -Ka Ɲɔnsoa nʋan ɲiɔʋ ˈˈdhe ʋʋ -ziia nmiian -wɛeˈ ʋʋ ˈbhɛɛa ʋʋ ˈyea -ghwlu, ʋʋ ˈyea tɔˈ i -naan, ʋʋ ˈyea dhɩ nʋn, ʋʋ ˈyea bhle ˈˈdhe ʋʋ ˈbhɛɛa ʋʋ ˈyea bhae- ɛ, toɛ ɔ ˈyeɛ ˈˈkpei ˈjhe. Nʋɛn ɔ ˈye Zoova ˈsɛ -pooɛ ɲan kpa ɔɔˈ ˈˈɩkman- -e tɔˈdhinɩɛn- ɛnˈ dɩ. ˈˈDhe dhɩ aˈ klɛɛ Zoova nʋan -ɩn ˈdhe ˈˈklu -a nɩan, dhɛ ɔɔ toa ɔɔˈ ɲʋndɩkman- ˈdhe ɩn bho ɛ, nʋɛn -manˈ ˈˈjhu ˈyeɔ ɛɛˈ ˈsɛ po -ke.