ˈCƖAANDHƐ- 4

-Manˈ zi -e Biiblʋ aˈ ˈˈjhriɛ ɛˈ ˈdhii -zro ˈdɩ -dhe

Matie 22:41-45

DHƐ KƆANDƖ -ˈYEA NƲN ƐN: -Bho -ˈye Biiblʋ aˈ ˈˈjhriɛ ˈdhii zro ɛˈ, dhɛ nɩan ˈo -wɛeˈ -man ˈbɔan -ˈyeɛ zro ɛ, ɲʋn ˈyeɛ jhibho-.

Dhɛ nɩan ˈo -wɛeˈ -man ˈbɔan -ˈyea Biiblʋ aˈ ˈˈjhriɛ ˈdhii zro ɛ, -ˈyeɛ jhibho-. Dhɛ kɔandɩ ˈdhe Biiblʋ aˈ ˈˈjhri -ˈyea ˈdhii zro ˈdhi ɛ, nʋɛn ɲʋn -an poa ʋn -dheinˈˈ bho ˈyeɛ ˈˈkpe i ˈjhe.

-Bo Biiblʋ aˈ ˈˈjhriɛ ˈghlʋa ˈe ˈdhi -e dɩ jhiɛ ˈdhe i ɛ, -ˈyɩ jhibho- -kajɔɔnka. Biiblʋ aˈ ˈsɛɛ- -ˈyea ˈdhii zro ɛ, -manˈ zii ɛɛˈ ˈɲnɩn ˈˈjhrii -dhe. Ɲɔn ˈcreɛ -e ɲɔn -ɔn ghlua -e, -manˈ zii ʋaˈ ˈɲnɩn ˈˈjhrii -dhe -ke.
Toɛ -ka Biiblʋ nɩan ˈo ˈsɛɩ aˈ klɛɛ ˈˈdhru ɛ. -Bho -man sa ghlu ˈdhe ɲʋn dea Ɲɔnsoa -gwlɩˈˈ bho ɛˈ, -ˈdhaa- Biiblʋ Ɲɔnsoa aˈ ghlu -wɛeˈ ɲʋn ˈyɩ jhibho- -ka -tɔˈ nɩan ˈe ʋn ˈdhi nɩan ˈbho -tɔˈ ɔˈ klɛɛ ˈˈdhru ɛ.
Biiblʋ aˈ ˈˈjhriɛ- -ˈyea ˈdhii zro ɛ, nʋɛn ʋʋ ˈye ɛɛˈ iˈŋwɔɛn- iˈbɔn. Po ˈe ideedɩ- Biiblʋ aˈ ˈˈjhriɛ- -ˈnɛn ˈyea ˈe -za. Dɩ -ɩn ˈdhe ˈdhi Biiblʋ aˈ ˈˈjhriɛ- -ˈnɛn ˈbhɛɛa ɛ ˈyea ɲʋn sʋn bho po ɛ, ˈtmʋn ɩanˈ dɩ. ˈSrɩn ʋʋ ˈyea ˈe Biiblʋ aˈ ˈˈjhriɛ- -ˈnɛn ˈdhi -za a, -ˈbhɛɛˈ -ˈye ɛɛˈ dɩ ˈtmʋn.

Ɲʋn -an poa -ʋn -dheinˈˈ bho ɛ, dhɩ ʋʋ jhibha see ˈdhe Biiblʋ aˈ ˈˈjhriɛ- -ˈyea ˈdhii zro ˈdhi ɛ, -naaɛn -tɔˈ ˈˈkpe i. -ˈMɛn nʋɛn ʋʋ ˈye dhɩ -dhee -ˈnɩɩn iˈŋwɔn ˈdhe ɛ ˈdhi.