Bhle -ˈye Zoova aˈ ˈɲnɩn ˈˈɩˈbhɛɛ- ˈdhe ˈmʋnan ˈdhi

-Da Pɔʋ -e Silasɩ nɩan ˈe -gazo ˈdhi -dhe ɛ, ʋʋ bhleˈ ʋʋ ˈye Zoova aˈ ˈɲnɩn ˈˈɩˈbhɛɛ-. (Nʋ 16:25) Ɛ se doo- da ˈbhle, ˈdhɩ -ˈnɩn poɛ ʋbʋ sʋn bho ʋʋ ye ˈkpɩ i kpʋn. Ɛ ˈbhɛɛˈ ɛ ˈye -aʋ sʋn bho po ˈzɩan -ke? ˈDhɩ -aa bhlea ˈdhe ˈˈdhruigbooɛ ˈmʋn -e ˈdhɩ -ˈnɩɩn -a bhlea, ɩan kuuɛ -abʋ i. -Bho -a -nɩn ˈe ˈkledɩ ˈdhi ɛˈ, ɩan poɛ -aʋ sʋn bho -aa yea ˈo Ɲɔnsoa ˈˈbun i kpʋn. ˈBho -ˈmɛn ˈdhe ɛ, ɩan ˈbhɛɛ Zoova aˈ ˈɲnɩn ˈˈɩn. (Ps 28:7) Ɲʋn poa -aʋ ˈkpɩ -a -ˈye ˈdhɩ -ˈnɩn anˈ ˈpla ˈcɩan ˈˈdhe -a ˈyɩ ˈˈdhru ˈdhi ˈbhlee-. ˈDɩn ɛɛˈ nʋanˈ ˈmɛn? -A ˈbhɛɛˈ -a -ˈye -aaˈ ˈˈgbuzɔncɛ ɛˈ Biiblʋ ˈcɩan- i -jhii -a -ˈye ˈdhɩ -ˈnɩn aˈ ˈbhleaˈ ˈcɩan.

-JHEˈ VIDEO NƆN IN, LES ENFANTS LOUENT JÉHOVAH PAR LEURS CHANTS, -ˈMƐN -ZA ˈE IDEEDƖ- NƖAN DA ˈZƆN DA:

• 

  ˈDhɩ -aa ˈbhlea ˈdhe ɲɔnsoagbu ˈdhi ɛ, dhɛjɛɛn -wɛ ɩn ˈbhɛɛ ɩn ˈye -aʋ ˈˈdhru i nʋn -ɛn?

• 

  Kpɔ -ɔɔ ˈˈduaˈˈ Audio/Video aˈ dɩ ɛ, ka ʋa nʋn ʋaˈ ˈˈjɛ kpɔˈˈ -po sʋn -wɛeˈ ʋa kpʋn ɲʋn -an bhlea ʋaˈ ghlu -ɛ?

• 

  -Kawɛ ˈˈɲnun- -mɩɩnˈˈ -e ʋaˈ ˈcɛ ɛ nʋn ʋaˈ ˈˈjɛ kpɔˈˈ -po sʋn -wɛeˈ ʋʋ ˈye ˈbhleaˈ mun -ɛn?

• 

  ˈDhɩ -aa bhlea ˈdhe ɲɔnsoagbu ˈdhi ɛ, -jʋnwɛ- -ʋan- nʋn ʋn ˈtʋn ˈdhe ɩn ˈˈklu -ɛ? ˈDhe dhɛɛdɩ- -ɛ?