Dhɛwɛ- -a ˈbhɛɛ -a ˈye ˈcɩan ˈdhe ˈdhɩ -dhee ˈdhi -ɛ?

ˈDhɩ -wɛ -ɩan- nʋn ʋn ˈtʋn ˈdhe -aaˈ ˈdhɩ -dhee ˈˈklu -ɛ? Dhɛɛdɩ- -ɛ? ˈBho aʋ -gwlɩˈˈ ˈdhee, dhɩ -a nʋʋan ˈdhe ɲʋn anˈ ˈkmʋn ˈdhi ˈzɩan an, ɩmɩn- -nɩn ˈdhe videe -ˈnɩn ˈdhi? ˈDhɩ -ˈnɩn anˈ kpɛ -diɛˈˈ, ɩan ˈtmʋɛn dhɩ aˈ kpɛ -duuˈˈ aˈ dɩ, ɲɔn ooˈˈ ɲɔn ˈbhɛɛˈ ɔ ˈye ˈdhʋ -ʋn ˈbhɛɛa -ʋn ˈyeɔ ˈtʋn nʋn ˈjhe. ˈDhɩ -ˈnɩn -e ɩanˈ videe se ˈplʋjhriizadhɩ aˈ ˈsʋ -nɩn.

ˈDhɩ -ˈnɩn an ˈˈduɛ -aʋ ˈsrɩn ˈdhe -aaˈ ˈkmʋn -e -aaˈ -bobhladhbho ɔˈ dɩ ˈdhi. ˈDhɩ -ˈnɩɩn an ˈtmʋɛn, ɲʋnsɩnsɔɔnkpʋɛn- -e ghwluiŋwɔɔɛn- -e -jhbhɛɛ- -e -pɛɛikuɛ- -e dɩkman- -e dhɛgwlɩdeɛ- ɛˈ dɩ. Dhɩ -ɩanˈ dɩ ˈdhɩ-ˈnɩɩn an ˈtmʋan -mɩn -nɩn, ˈdhe Zoova bho dhejhiɛ- -e bha aˈ dhɛsaʋn ˈˈkpe ˈ ghwlʋɛ- -e Ɲɔnsoa ˈˈbun in -kpʋɛn- -e ɲɔnsoadhbo ˈˈkpe -poɛ- -e. ˈDhʋ dhueˈ -ʋan- ˈtmʋn pɔɔtablʋ ɛˈ kajhibhɛ- ɛˈ dɩ. ˈSrɩn -dhee -ˈnɩɩn -wɛ -ˈjhe ˈdhe ˈdhɩ -ˈnɩn ˈdhi -ɛ?

-ˈJHE ˈDHƲ -DHEE Aˈ VIDEO JUSTE À NOTRE PORTE I, -ˈMƐN ZA ˈE IDEEDƖ- NƖAN DA ˈZƆN DA:

• Dhɩ ˈjɛɩn- -wɛ ˈye -nʋʋɛn- ˈdhe ˈkmʋn anˈ ɲan gɩlɩˈˈ nɩan ˈsɔɔn nʋn an naan tɔˈ ˈˈkpe i -ɛ?—Gn 12:3

• Dhɩ -ɩanˈ ghwlu Zoova cɛan -ka ɔɔ muɩn ˈbho -ɲniian, -bho -a ˈye ɛɛˈ -gwlɩdeɛ ɲan kpa aˈ, ka -a ˈye nʋn -ɛn?

• ˈDhe nɔnˈˈ -dhɛ ˈˈzaan- ˈdhi ɛ, ɲʋnwɛ- -ʋaˈ ˈjhea ˈye -aaˈ ˈmʋnan ˈbhle -ɛ?

• Dhɩ ˈBheɔglɔ ɔ muan -nʋn ɛn, -kawɛ ɩanˈ -pɛɛ ˈˈɩ -tbha a nʋn -aʋ sʋn bho -po sʋn -wɛeˈ -aa kpʋn ˈkpɩi ˈdhe ˈkledɩ ˈdhi -ɛ?—Rm 8:25