-Jhii videe i -ˈye ɲʋn -nɩn -man ˈcɩan Biiblʋ dhɛ -tɔɔn

Videe -e fete -e dhɩ aˈ klɛɛ ɲʋn an ˈjhea, ɩan nʋɛnˈ ɲɔn -ɔn ˈcɩan dhɛ ɛ yea dhɛ i ˈŋwɔn ˈˈdhe dhɛ ɔ ˈcɩan an, ɔɔˈ ˈˈmaeɛ bho -ke. Zoova nɩan -aaˈ ˈSrɩndui- -klaaˈˈ a, ɔ -jhii dhi ɔ ye ɲʋn dhɩ kɔandɩ -tɔɔn. (Gn 15:5; Jr 18:1-6) Zezi nɩan Ɲʋndhɛtɔɔin- -klaaˈˈ a, dhɛ nɩan -dhueˈ -mɛn ɔ nʋn -ke. (Mt 18:2-6; 22:19-21) ˈNɔn -zɩn ˈbhɔɔa ˈbho ˈdhi ɛ, dhɩ ɲʋn dea ˈˈjhriɛ ˈˈkpe -ɩan- poa ɲʋn sʋn bho ɛ, ɩanˈ -dhueˈ -mɛn -nɩn video. -Bho -man sa ɲɔn -nɩn -man ˈcɩan Biiblʋ dhɛ tɔɔn ɔnˈ, -man nʋʋn videe dhbho ˈmɛn -kajɔɔnka?

-Bho -a -nɩn ɲɔn ɔn sa ˈsɛɛ- -Bɔyaˈˈ -dɩ ˈghlʋ ˈe Ɲɔnsoa bho! ˈcɩan anˈ, videe -bue- -nʋɛn- dhɛ -ɩn ˈye -aʋ sʋn bho po. Videe -ˈnɩn anˈ ˈˈdhri -nɩn ˈsɛɛ- -ˈnɛn ɛnˈ ideedɩ- -ˈnɩɩn gʋɔ- ˈˈjhrii. Ɛɛˈ -jɛn -ɛn muan ˈo jw.org ˈˈkpe -nɩn ɛn, ɛɛ muɛn -da -dhueˈ ˈbhle- -ɔ ˈye -aʋ nɔnˈˈ -a ˈyea video i ˈjhe -glʋˈ bho po. ˈBho videe -ˈnɩn ˈdhe ɛ, videe -ˈnɩɩn -nɩn ˈo -ke -aa jhii dhi -wɛeˈ -a -nɩn ɲʋn an ˈcɩan -aaˈ ˈdhiicɩansɛɩ- sia ˈo.

Ideedɩ- -dhueˈ -nɩn ˈo ɲɔn -nɩn -man ˈcɩan Biiblʋ ɔˈ ˈŋwɔn in? -Aeˈˈ ɲɔn -nɩn -man ˈcɩan Biiblʋ ɛ, ˈkledɩ- -ɩan- ˈkpɔ i? Videe nɩan ˈo jw.org® -e JW Broadcasting® ˈˈkpe ɛ, -ˈbhɛɛˈ -ˈye video -dhueˈ i ˈbɔn ˈdhe ɩn ˈˈklu -ɔ ˈyeɔ sʋn bho po. -Bho ˈbɔn ɔnˈ, aʋ -ˈbhɛɛˈ aʋ ˈyeɔ i ˈjhe -da -dhueˈ ˈˈdhe -bho aʋ gwɛ ɔɔˈ i ˈjheaˈ aˈ, aʋ ˈye ɔɔˈ dɩ ˈtmʋn.

ˈCʋ ooˈˈ ˈcʋ videe -dhee -a ˈˈsi ˈzɔn. -Bho -man sɩ i ˈjhe ɛˈ, -ˈmɛn -ka -ˈyea ɩanˈ i -jhii sʋn nʋn ˈˈdhe -ˈyea ɲʋn -ˈnʋʋn dhɛ -tɔɔn ɔn, -naaɛn -tɔˈ ˈˈkpe i.