“Aʋ kpa ɩanˈ ˈˈjhriɛ ˈˈduɛ ɲan”

Dhɩwɛ-? Philippiens 4:8 ˈnaan, -a -naan dhɩ nɩan tɔˈdɩ -e dhɩ nɩan ŋwɔn ˈjhe ka -e dhɩ ˈsrɛaˈˈ -e dhɩ nɩan ˈpepe -e dhɩ nɩan dɩ -kman ka -e dhɩ ˈbhlea ˈɲnɩn ˈjɛɩn -e dhɩ ˈdha dhɛ -e dhɩ ˈghwlʋa ˈɲnɩn tɔˈ i. -ˈMɛn ɛ se ˈsɛɩ- tbha ˈo Biiblʋ ˈˈkpei ɩanˈ ˈsʋ kletiɛn ˈye tɔˈ ˈˈkpei -naan -nɩn. ˈKlaa dhɩ ɔɔ naan tɔˈ i ˈye Zoova -gwlɩinmɔɔn-. Dhɩ ˈyeɛ nʋn -wɛeˈ -aaˈ Ɲɔnsoa ˈˈbun in -kpʋɛn ˈyea ˈkle -nɩn ɛn, -aaˈ naaɩn tɔˈ i -dhe.—Ps 19:14.

Dhɩsaɩn- anˈ ˈdhe tɔˈ bho -za ˈbhɛɛˈ ɛ ˈye ˈkle -nɩn. -A ˈye dhɩ dhɩsaɩn- -ɩn ˈdhe ˈdhi -aaˈ -pɛɛ ˈˈtun -aʋ -e Satan -an “poa ˈkmʋn nʋn je bho” bho vɔn. (2Co 4:4) Dhɛ Satan an poa dhɩ -duuˈˈ nɩan ˈdhe tele -e ladio -e ɛntɛɛnɛtɩ -e -manɩanˈ ˈsɛɩ ˈdhi je bho ɛ, ɛmɛn- dɩ dhɩsaɩn- -duuˈˈ -nɩn ˈdhe in ˈdhi. -Bho -aaˈ ˈsroo- dhɩ -aa ˈjhea i -e dhɩ -aa poa -dheinˈˈ bho -gwlɩi ɛˈ, ɩan muɛn -aaˈ tɔˈ vlɛnˈˈ -kpʋʋn ˈˈdhe -bho ɛɛ sa ˈo ˈbhɔɔ -a ˈye kplɩn -saɩn ˈbhle.—Jc 1:14, 15.

-ˈJHE VIDEO -ƆƆˈ ˈƝNƖN NƖAN DHƖ -A ˈKƆƆA ˈBHO ƝƆNSOA ˈˈBUN IN -KPƲƐN: ˈPLƲJHRIIZADHƖ- -SAƖN- IN, -ˈMƐN -ZA ˈE IDEEDƖ- NƖAN DA ZƆN DA:

• 

  Dhɛwɛ- ˈdhoudhi -ɲmau- -ˈnɔn -nɩn jha -ŋmun anˈ ˈbho ɔɔˈ telefɔnɩn ˈˈkpe -ɛ? ˈˈDhe dhɛwɛ- ɛ nʋɔn ˈˈdhrui -ɛ?

• 

  -Kawɛ Galates 6:7, 8 -e Psaume 119:37 nʋn ɔnˈ sʋn bho -po sʋn -ɛn?