KLETIƐN ƐNˈ ˈKMƲN
-ˈBhlɲnʋnkpaeˈ -gɩlɩˈˈ -ka ˈdhou -ˈˈwe nɩan, -ˈbhle ˈɲnʋnkpaeˈ -mɩɩnˈˈ -ke -ka ˈdhoudhi -ˈˈwe nɩan
Biiblʋ ˈnaan, -a ˈye kletiɛn -ˈˈwe nɩan -gɩlɩˈˈ ˈbhle -ka -aaˈ ˈˈbho -e ˈdhou nɩan ˈˈdhe -a ˈye ɲʋnjhae- ˈbhle -ka -aaˈ ˈˈjɛ ɛˈ ˈdhoudhi -ˈˈwe nɩan. (Zro 1 Timothée 5:1, 2.) ˈDhoudhi -ɲmai ˈye ɲankɔn- ʋʋ ˈye ˈdhoudhi -ɲnʋnkpaeˈ ŋwɔn ˈjhe ˈˈdhe ʋʋ ˈyʋbʋ jha de.
ˈDhoudhi -ɲmau -nɩn ˈdhoudhi -ɲnʋnkpaoˈ ˈse ˈˈjhri ˈˈɲɩnan- dhi ˈˈdhe dhɛ ooˈˈ dhɛ ˈyea ʋanˈ dɩn ˈbhle ɛ, ɔ ˈseɛ -nʋn in. (Job 31:1) -Bho ˈdhoudhi -ɲmau ˈse ˈbɔn ɔ -nɩn ˈdhoudhi -ɲnʋnkpaoˈ ˈye ˈˈbhlitii- ɛˈ, -ˈmɛn dhɩ ˈbhɛɛa -ɩn ˈyeɛ nʋn ˈˈdhe ɔɔˈ ˈbɔndɩ ˈyea ˈdhe ʋanˈ -pɛɛ bho ˈkpa a, ɔɔˈ nʋɩn -dhe.
-Bho ˈdhoudhi ɲnʋnkpaeˈ ˈbhle ideedɩ- -aeˈˈ ʋʋ ˈbhle dɩ ɩn kman ʋbʋ ˈˈbhlɩ ɛˈ, ɲankɔʋn ˈye ʋbʋ aˈ ka jhibho- ˈbho ʋaˈ sʋn ˈbho -poaˈ. Ɲʋn -anˈ ˈbhle -ka ɲankɔʋn ˈyea jhibho- gblein ɛn, ɛ nɩn ˈdhoudhi -ɲnʋnkpaeˈ sea -kʋan ˈbhle -ɔ ˈyea ʋbʋ aˈ -ˈgba ˈbhle ɛ.—Ru 2:8, 9.
-ˈJHE VIDEO NƆN IN AƲ -TO ƝƲNDƖKMAN- ANˈ GWƐA I ˈDHE ƝƆNSOAGBU ˈDHI: ˈDHE -DOAƝNƲNKPAEˈ -E ˈˈKWIEƝNƲN BHO, -ˈMƐN -ZA ˈE IDEEDƖ- NƖN:
-Kawɛ ˈdhoudhi -ˈˈwe nʋn ɲʋndɩkman- anˈ gwɛa i -to sʋn ˈdhe ˈdhoudhi Miɛntɩ bho -ɛ?
Ɲʋndɩkman- ˈdhoudhi -ˈˈwe -ˈnʋn toa, -kawɛ ɛ nʋn Zoova aˈ ˈɲnɩn ˈˈɩ ˈbhɛɛ- sʋn ˈbho -glɔ -ˈnɔn ˈdhi -ɛ?
Ɲʋndɩkman- ˈdhoudhi -ˈˈwe toa, dhɛjɛɛn -wɛ ɛ nʋn ˈdhoudhi Miɛntɩ aˈ ˈɲnʋnkpaeˈ ɲnuun ˈˈdhrui -ɛ?
-Kawɛ ˈbhɛɛˈ -ˈye ɲʋndɩkman- -to sʋn nʋn ˈdhe ˈdhoudhi ɲnʋnkpaeˈ nɩan ˈdhe -manˈ ɲɔnsoagbʋ ˈdhi bho -ɛ?