-Kawɛ ˈdhoudhi -ɲnʋnkpaeˈ ˈbhɛɛ ʋʋ ˈye ɲɔnsoadhbho sɩn ˈdhei de -ɛ?

ˈDhoudhi -ɲnʋnkpaeˈ ˈbhɛɛ ʋʋ ˈye ˈBheɔglɔ ɔˈ dhbho sɩn ˈdhei de -kajɔɔnka -ke. (Ps 68:11) Ʋaˈ -ˈnʋʋn -an tɔɔn ɲʋn -duuˈˈ Biiblʋ ˈˈdhe ʋaˈ -da -duuˈˈ -nɩn -jiezaʋn. ˈDhoudhi -ɲnʋnkpaeˈ aˈ ˈˈghwlu -ghwluu -ʋa po ˈe ˈkpɩ ˈjɛɛn- -ʋa nʋn dhbho Betɛɛ ˈdhii, -ʋʋ -nɩn -jiezaʋn ɲʋn an kpa ˈdhebhaˈ, -ʋa po ˈBheɔglɔ ɔˈ ˈˈgbipodhbho- sʋn bho, ˈˈdhe -ʋa zaa ɲɔnsoasɛɩ ghwlu i. ˈDhoudhi -ɲnʋnkpaeˈ -ʋaˈ ɲɔnsoadhɛ kuai ɛ, ʋa kuuɛ ʋaˈ ˈˈgbuzɔncɛ -e ɲɔnsoagbu i -ke. (Pr 14:1) Ɛ tɔˈdɩ- ˈdhoudhi -ɲnʋnkpaeˈ se ˈbhɛɛ ʋʋ ˈye ɲankɔʋn- -aeˈˈ ɲankɔʋn anˈ ˈsɔɔnpoʋn- ˈkpa, ˈklaa ʋʋ ˈbhɛɛ ʋʋ ˈye dhɩ -ˈnɩɩn nʋn ˈdhe ɲɔnsoagbu ˈdhi. ˈDhoudhi -ɲnʋnkpaoˈ, a dee- aaˈ ˈˈjɛ i: dhɛwɛ- ˈɩn ˈbhɛɛ ˈye nʋn ˈˈdhe ˈye ɲʋn sʋn bho po -ɛ?

• A ˈcɩan ɲɔnsoakplɩn.—1Tm 3:11; 1P 3: 3-6

• ˈDhoudhi -ɲnʋnkpaeˈ -ʋaˈ ɲɔnsoadhɛ sea i ku ɛ, a pʋbʋ sʋn bho.—Tt 2:3-5

• A ˈˈnman ˈdhe -bobhlaaˈ ˈˈdhe a po aaˈ -bobhladhbho ˈˈkpe.

• A ˈcɩan ghwlu ˈsrʋ.

• A mun -da -bobhlaʋn -duuˈˈ sea -nɩn.

• A ˈbɔn dhbho -nʋʋɛn in ˈdhe Betɛɛ ɛˈ -aeˈˈ a po ˈBheɔglɔ- ɔˈ ˈˈgbipodhbho- sʋn bho.

• A ˈbɔn ˈBheɔglɔ ɔˈ -bobhladhbho ɔˈ -klainˈˈ paa i.

-ˈJHE VIDEO NƆN IN, “ˈƝNƲNKPAEˈ -ƲA NƲAN DHBHO -DUUˈˈ ˈDHE ƝƆNSOADHƐ ˈDHI Ɛ” -ˈMƐN -ZA IDEEDƖ NƖAN DA ZƆN DA:

• Dɩ ˈdhoudhi -ɲnʋnkpaeˈ -ˈnʋn anˈ klɛɛ ˈtmʋan, ka ɩn nʋn aaˈ ˈkpɩ -po sʋn -ɛn?