Po ɲʋn -nɩn -man ˈcɩan Biiblʋ sʋn bho ʋʋ ˈye dhɛ ˈcɩan ka jhibho-

Ɲʋn -an ˈcɩan Biiblʋ -bho ʋaˈ ɲɔnsoadhɛ ˈye i ku ɛˈ, ʋʋ ˈse ˈo dhɩ -aa -tɔɔan ʋbʋ ɩanˈ ˈsʋ ˈˈkpe ˈˈtii- dhi. (Mt 5:3; Hé 5:12–6:2) Ʋaˈ ˈˈjɛ ˈye dhɛcɩan ka jhibho-.

-Bho aʋ -dee dhɛcɩan anˈ, -tɔɔn ɲʋn -nɩn -man ˈcɩan dhɛ -ka ʋʋ ˈbhɛɛa ʋʋ ˈyea ʋaˈ ˈˈjɛ kpɔˈˈ po ˈˈdhe pʋbʋ ˈkpɩ ʋʋ ˈyeɛ nʋn. (mwb18.03 6) Pʋbʋ ˈkpɩ ʋʋ ˈye bhae- -bho ʋa sa ʋaˈ -nɩn dhueˈ ˈcɩan Biiblʋ nʋn ɛnˈ. Pʋbʋ ˈkpɩ ʋʋ ˈye -aaˈ aplikasiɔn ˈbhle ˈˈdhe ʋʋ ˈyɩ i -jhii ʋʋ ˈye dhɛcɩan. Dhɩ -dhee -ɩan ˈˈsia ˈzɔn ˈbho jw.org -e JW Tele^® ˈˈkpe ɛ, -ka ʋʋ ˈyea ɩanˈ ˈjhe sʋn nʋn ɛn, -tɔɔn ʋbʋ. Pʋbʋ ˈkpɩ jheejhee ʋʋ ˈye Biiblʋ ˈdhii zro zɔn ooˈˈ zɔn, ʋʋ ˈye dhɩ yea -nʋʋɛn- ˈdhe ˈˈdhruigbooɛ ˈmʋn ˈcɩan ˈˈdhe ʋʋ ˈye dɩ aˈ ˈdhe -zaa ˈbhɛɛ-. Pʋbʋ sʋn bho -wɛeˈ dhɩ ʋa ˈcɩan an, ʋʋ ˈyɩ tɔˈ ˈˈkpe i -naan.

-ˈJHE VIDEO NƆN IN, PO ƝƲN -NƖN -MAN ˈCƖAN BIIBLƲ SƲN BHO ƲƲ ˈYE DHƐ ˈCƖAN KA JHIBHO-, -ˈMƐN -ZA ˈE IDEEDƖ NƖAN DA ˈZƆN DA:

• 

  -Ka dhɛcɩan sea ideedɩ aˈ ˈdhe -zaa aˈ ˈsʋ -nɩn ɛn, ka Matɩ nʋn Sonia sʋn bho -po sʋn ˈˈdhe ʋn ˈŋwɔɛn in -ɛn?

• 

  Dhɛ Zoova ˈnaan ɲɔn ɔnˈ nʋn -e ˈɲnɩnzanˈ -dhe ɛ, -ɛ po Sonia sʋn bho -wɛeˈ ʋn ˈŋwɔɛn in -ka ɔ ˈbhlea ˈgɩn -ɛn?

• 

  Dhɛwɛ- Sonia ˈŋwɔn in ˈdhe dhɩ ʋan ˈcɩan anˈ tɔˈ ˈˈkpe i -naan anˈ dɩ ˈdhi -ɛ?