Po ɲʋn -nɩn -man ˈcɩan Biiblʋ sʋn bho ʋʋ ˈye -jhbhɛɛ nɩan ˈo ʋbʋ -e Zoova ˈɲnɩn i -kuu

Zoova a ˈbɔn ɔɔˈ dɩkman- ˈye -aʋ- ˈˈtun -a ˈyeɔ ˈˈɲɩn. (Mt 22:37, 38) Ɲɔnsoa aˈ dɩkman- -mɛn -ˈye biiblʋcɩaʋn ˈkpɩ ˈˈɲɩn -wɛeˈ ʋʋ ˈye kplɩn ˈˈɩ zɩan- ˈˈdhe ʋʋ ˈye i ku ˈdhe ˈkledɩ ˈdhi. (1J 5:3) Ɲɔnsoa aˈ dɩkman- ˈyʋbʋ ˈˈtun ʋʋ ˈye ˈˈnin ˈzɔn -jhii.

Po -manˈ biiblʋcɩaʋn sʋn bho ʋʋ ˈyeɛ ˈˈkpe i ˈjhe -ka Ɲɔnsoa kman ʋaˈ dɩ ɛ. Dee- ʋbʋ dɩ nɩn in: “Dhɛwɛ- ɛɛ tɔɔn mʋn ˈdhe Zoova aˈ dɩ ˈdhi -ɛ?” -aeˈˈ “-ka ɛɛ nʋn ɛnˈ -to sʋn -ka Ɲɔnsoa kman -manˈ dɩ -ɛ?” -Ka Zoova a pʋbʋ sʋn bho ɛ, nʋɛn ʋaˈ ˈˈjɛ ˈyeɛ ˈˈkpe i ˈjhe. (2Ch 16:9) -Ka Zoova nʋan -manˈ ˈˈjɛ ɛˈ bhaeghwlu aˈ kpa -za sʋn ɛn, ˈtmʋʋn- ʋbʋ ɩanˈ dɩ. -ˈMɛn pʋbʋ ˈkpɩ ʋʋ ˈye -ka ɔɔ nʋan ʋaˈ bhaeghwlu aˈ kpa -za sʋn ˈˈjhriɛ ˈˈkpe de. -Bho biiblʋcɩaʋn an sa Zoova aˈ ɲʋndɩkman ˈˈkpe i ˈjhe -wɛeˈ ʋa seɛ to -ka ʋʋ kman ɔɔˈ dɩ ˈˈdhe ʋa sa ˈbɔn ʋʋ -nɩn ɔ ˈye -jhbhɛɛ ɛˈ, ɛ ˈbhleɛ ˈmʋnan-.

-ˈJHE VIDEO NƆN IN, PO ƝƲN -NƖN -MAN ˈCƖAN BIIBLƲ SƲN BHO ƲƲ ˈYE -JHBHƐƐ NƖAN ˈO ƲBƲ -E ZOOVA ˈƝNƖN I -KUU, -ˈMƐN -ZA ˈE IDEEDƖ NƖAN DA ˈZƆN DA:

• 

  ˈKledɩ- -wɛ Sonia -nɩn ˈe ˈdhi -dhe -ɛ?

• 

  Ka Matɩ nʋn Sonia sʋn bho -po sʋn -ɛn?

• 

  Dhɛwɛ- Sonia nʋn -wɛeˈ ʋn ˈjha ʋanˈ ˈkledɩ ˈˈdhru -ɛ?