ˈKledɩ aˈ klɛɛ ˈbhleɛ ˈˈtianˈ

-Bho -aaˈ ˈkledɩ aˈ ˈŋwɔn ɩanˈ -jra ˈˈdhru ɛˈ, ɛ ˈbhɛɛˈ ɛ ˈye -aʋ ˈkpɩ i ˈdhbha. Davidɩ jhibhiˈ -ka ˈkledɩ ɔɔ ˈjhea ˈˈjhibhaˈ ˈBheɔ Sailɩ ɔˈ dɩ ɛ, ɩan muan ˈˈdhru -jra ˈˈdhe ɔ ˈyea ˈBheɔ ˈkpa -ka Zoova nʋan ɛɛˈ ˈtmʋn sʋn ɛn. (1S 16:13) Davidɩ ɔˈ dhɛgwlɩdeɛ- poɔ sʋn bho ɔ ye i ˈman ˈˈdhe ɔ ye Zoova -fuo-.

-Bho -a -nɩn ˈe ˈkledɩ ˈdhi ɛˈ, -a ˈbhɛɛˈ -a ˈye tɔˈizela- -e dhɛjhibhɛ- dhbhoˈˈ -nʋʋn ˈˈdhe -a ˈye -aaˈ ˈkledɩ ˈˈdhru jra. (1S 21:12-14; Pr 1:4) ˈKlaa, ˈkledɩ- -ˈnɩɩn -nɩn ˈo -bho -a nʋn dhɩ aˈ klɛɛ -nɩn Biiblʋ aˈ ˈsrɩn an kpa -jie- dhueˈ mɔn -dhe ɛˈ, -ɩanˈ ˈŋwɔn -ɩanˈ -jra ˈˈdhru. -Bho ɛ -nɩn -kaˈ aˈ, -a ˈye i ˈman ˈˈdhe -a ˈye Zoova -fuo-. Nɔnˈˈ dhɛ ˈˈzaan -sioˈ ɔ ˈye -aaˈ ˈkledɩ aˈ klɛɛ i -za ˈˈdhe ɔ ˈye -aʋ ˈˈmiinɩn- ˈˈjhri -za. (Ré 21:4) ˈKledɩ- -ɩan- ˈkpa -aʋ dhi ɛ, -bho ɛ nɩn Zoova -aeˈˈ dhɛ -dhee -ˈnɛɛn nʋɛn -wɛeˈ ɩn -jra ˈˈdhru ɛˈ, dhɛ -a ˈyea jhibho- -mɛn -nɩn: ˈKledɩ aˈ klɛɛ ˈbhleɛ ˈˈtianˈ. -Bho -a ˈbhleeɛ ˈˈdhru ˈdhii ɛˈ, ɛ ˈbhɛɛˈ ɛ ˈye -aʋ dɩ -ˈgwlɩi ˈˈdu dhɛ ˈˈzaan.

-ˈJHE VIDEO NƆN IN, -A MAN ƝƆN DHUEˈ ˈDHE ƝƲN -ƲƲ ZELA I ˈˈKLU, -ˈMƐN -ZA ˈE IDEEDƖ NƖAN DA ˈZƆN DA:

• ˈKledɩ- -wɛ ˈdhoudhi -weˈˈ nɩan ˈe Etazinin ɛnˈ ˈzɔin ˈjhe ˈˈjhibhaˈ -a?

• Ka ʋʋ nʋn i ˈmaan- -e ɲʋndɩkman- -to sʋn -ɛn?

• Ka ʋʋ nʋn ˈe dhɩ ‘kɔan dɩ ˈˈjhri -kpʋn sʋn -ɛn?—Php 1:10