KLETIƐN ƐNˈ ˈKMƲN
Zoova a poɛ -aʋ sʋn bho ˈdhe -aaˈ ˈkledɩ ˈdhi
ˈNɔn dhebhɔɔghwɩ- nɩn ˈdhi ɛ, -aa ˈjheɛ ˈkledɩ- -duuˈˈ. -Zɔn -ˈnɔɔn ɔn, -bho ˈjhe -ˈnaan -a ˈsɩ kwai ˈbhɛɛ- dhi. ˈKlaa, -bho -aa sa Zoova i ˈˈkʋaan anˈ, -ka -aaˈ ˈkledɩ ˈjhe ɩn -nɩn -mɔnˈ -dhe ɛˈ, ɔɔ muɛn -aʋ sʋn bho -po -wɛeˈ -a ˈye ˈkpɩ i kpʋn ˈdhe ɩn ˈdhi. (Is 43:2, 4) -Bho -a -nɩn ˈe ˈkledɩ ˈdhi ɛˈ, ka -a ˈye Zoova ˈˈɩ ˈˈkʋaan- sʋn nʋn -ɛn?
Bhaeɛ-. -Bho -aa sa Zoova dɩ nɩan ˈdhe -aaˈ -pɛɛ bho ˈtmʋʋn ɛnˈ, ɔɔ ˈˈɲɩɛnˈˈ -aʋ -pɛɛ ɛˈ bhluaˈ -e ˈkpɩ -wɛeˈ -a ˈye ˈkpɩi kpʋn ˈdhe ˈkledɩ- -ˈnɩn ˈdhi.—Php 4:6, 7; 1Th 5:17.
ˈˈDhruigbooɛ-. Ɛ -kɔn dɩ ˈjɛɛn- -a ˈye -aaˈ ˈdhoudhi -ˈˈwe bho ˈkpa ˈdhe ˈˈdhruigbooɛ ˈmʋn ˈˈdhe -a ˈye dhɩ Zoova a tɔɔan ɲʋn ˈdhemɔn ˈjɛɛn ˈdhi ˈjhee- -ke. (Hé 10:24, 25) -Bho -aa sa -aaˈ ˈˈjɛ kpɔˈˈ po -wɛeˈ -a ˈye ˈˈdhruigbooɛ ˈmʋn mun ˈˈdhe -a ˈye dɩ ˈe -za ˈdhemɔn ɔnˈ, -aa ˈjheeɛ Zoova aˈ -zuu aˈ ɲʋnsʋnbhopoɛ trɔnˈ ˈdhi.—Ré 2:29.
-Bobhladhbho-. -Bho -aa sa ˈe ˈkpɩ aˈ klɛɛ po -wɛe -aa sa ˈe -bobhladhbho ˈˈjhri kpʋn ɛnˈ, -aa muɛn dhɩjɛɩn tɔˈ i -naan. Ɛ ˈyeɛ nʋn -ke -jhbhɛɛ- nɩan ˈo -abʋ -e Zoova -e -aaˈ ɲʋn -nɩn -aa nʋʋan dhbho i ˈɲnɩn ˈye i ku.—1Co 3:5-10.
-ˈJHE VIDEO NƆN IN, ZOOVA A MUƐN AƲAˈ DƖ ˈˈDU-, -ˈMƐN -ZA ˈE IDEEDƖ- NƖAN DA ˈZƆN DA:
-Ɛ po Malu sʋn bho -wɛeˈ ʋn kpʋn ˈo Zoova ˈˈbun in ˈdhe ʋanˈ ˈkledɩ ˈdhi -ɛ?
-Ka ɛ nʋan -nʋʋɛn- sʋn ˈdhe Malu aˈ dɩ ˈdhi ɛ, -kawɛ dɩ ˈtmʋan ˈdhe Psaume 34:18 ˈdhi a nʋn -aʋ dɩ -ˈgwlɩi ˈˈdu sʋn ˈdhe -aaˈ ˈkledɩ ˈdhi -ɛ?
-Ka Zoova a ˈˈɲɩanˈˈ -aʋ “ˈˈɩkmaan- -zia dhɩ aˈ klɛɛ” ˈdhe ˈkledɩ ˈdhi ɛ, -kawɛ Malu aˈ bo ɔ nʋn ɛnˈ -to sʋn -ɛn?—2Co 4:7