“Aʋ -za dhɛ kwai”

Zezi ˈnaan -bho ɲɔn ɔn sa dhɛ kwai za aˈ, ɛɛ ˈˈtun ɲʋn -ˈnʋʋn ˈmɛn -ke ʋa yea dhɛ kwai za. (Lc 6:38) -Bho -kman dhɛ kwai -za dɩ ɛˈ, ɛɛ muɛn -manˈ ˈdhoudhi -ɲmai -e -manˈ ˈdhoudhi -ɲnʋnkpaeˈ ˈˈtun- -ke ʋʋ ˈye ˈdhiɲwɔnmɔn- ˈˈdhe ʋʋ ˈye dhɛ kwai -za.

Dhɛkwaiza- ˈdhe ˈmʋnan ˈmʋn -nɩɛn- -aaˈ ˈˈɲɩnsʋn anˈ kpɔ dhueˈ. Ɲʋn nmɔan glʋˈ ˈˈdhe -ʋa- poa ˈdhoudhi -ˈˈwe nɩan ˈdhe ˈkledɩ ˈdhi sʋn bho ɛ, Zoova a deɛ ʋbʋ ˈˈjriɛ ˈˈkpe ˈˈdhe ɔ ˈnaan ɔɔ muɛn ʋbʋ geiˈˈ -za.​—Pr 19:17.

-ˈJHE VIDEO NƆN IN -AA POƐ AƲ ˈSƐ- DHƐ AƲA ZA DHƐ KWAI Ɛˈ DƖ, -ˈMƐN -ZA ˈE IDEEDƖ- NƖAN DA ˈZƆN DA:

• Ka -baanˈ- aʋa nʋan an nʋn aʋaˈ ˈdhoudhi -ɲmai -e ˈdhoudhi -ɲnʋnkpaeˈ -ˈˈwe sʋn bho -po sʋn -ɛn?

• Dhɩ -aa za kwai ɛ, -ka ɩn ˈjhe ɩn -nɩn mɔn -dhe ɛˈ, dhɛɛdɩ- -a ˈye dhɛkwaiza- ɲan kpa -a?​—-Ŋmʋn ˈcɩaandhɛ- “Comment le superflu des uns compense le manque des autres” nɩan ˈbho jw.org ˈˈkpe jha -ke.