KLETIƐN ƐNˈ ˈKMƲN
-A ˈbɔn Zoova aˈ dhɩjhesʋn anˈ ˈbhlea i
-Aa ˈbɔn -a ˈye Zoova ˈtʋn nʋn ˈdhe dhɩ aˈ klɛɛ -aa nʋan ˈdhi. (Pr 27:11) -Bho -a ˈyeɛ nʋn ɛnˈ, ɛ -kɔn dɩ dhɩ -aa za ˈo -aa nʋan -nɩn ɔɔˈ dhɩjhesʋn ˈye -jie dhueˈ kpa -bho ˈtee -a ˈyea ˈo ˈˈkpei tbha se -nɩn -mɔnˈ -dhe ɛˈ. Dhɛwɛ- ˈbhɛɛ -ɛ ˈye -aʋ sʋn bho po -ɛ?
-A ˈye Biiblʋ ˈcɩan jheejhee. Nɔnˈˈ-aa nʋan ˈbho Biiblʋ ˈdhiizroaˈ a, ɛ nɩn -ka -a -nɩn Zoova aˈ nɩan -da dhueˈ ɛ. -A ˈbhɛɛˈ -a ˈye Zoova aˈ dhɩjhesʋn ˈˈkpei ˈjhe ˈdhe -ka ɔ nʋan ɔɔˈ ˈcɛ ˈbhlesʋn ˈdhi ɛmɛn -e ˈbho ɲʋn nʋan dhɛjɛɛn -aeˈˈ dhɛsaʋn- ˈdhe ɔ ˈjhri ˈdhe aˈ bo ˈcɩaan. -Bho -a ˈbhle dɩ -a ˈye ˈo -za aˈ, Ɲɔnsoa aˈ -zuu ˈbhɛɛˈ ʋn ˈye -aʋ ˈsrɩn -a ˈcɩan ˈdhe ɔɔˈ Ghwlu ˈdhi aˈ dɩ -glʋˈ bho po.—Jean 14:26.
-A ˈbɔn dhɛiŋwɔɛn- in. -Bho -a ˈye ˈo dhɛ -za aˈ, -a dee- -aaˈ ˈˈjɛ i: ‘Biiblʋ aˈ ˈˈjhri -aeˈˈ -bo -wɛ -nɩn ˈe Biiblʋ ˈdhi -ɩn ˈbhɛɛˈ -ɩn ˈye ʋn sʋn bho po ˈˈdhe ˈye Zoova aˈ dhɩjhesʋn ˈbhle ˈnɔn dɩ nɩn ˈdhi -ɛ?’ Bhae Zoova ɔ ˈye ʋn sʋn bho po -ˈmɛn -jhii -Glibha- aˈ dhɩibɔnsɛɩ dhi -ˈye Biiblʋ aˈ ˈsrɩn -ɩn -nɩn dɩ nɩan ˈe ˈdhi a kpa -jie- dhueˈ i ˈbɔn.—Ps 25:4.
-ˈJHE VIDEO NƆN IN, A PLE DHE KPƖIKPƲƐN MƲN: A DHI DHIIDHƐ KUA I, -ˈMƐN -ZA ˈE IDEEDƖ- NƖAN DA ˈZƆN DA:
ˈKledɩ- -wɛ ˈdhoudhi -ɲnʋnkpaoˈ nɩan ˈe video ˈdhi a ˈjhe ˈˈjhibhaˈˈ -a?
-Bho -nɩn ˈe dɩ nɩan dhueˈ ˈdhi ɛˈ, -kawɛ -ˈbhɛɛ -ˈye dhɩibɔnsɛɩ- i -jhii- ˈˈdhe -ˈyɩ ˈˈdhru ˈjha -a?
-Bho -aa sa nɔnˈˈ ˈmʋn ˈˈdhuo -aa sa dhɛiŋwɔan i ˈbɔn ˈˈdhe -aa sa Biiblʋ ˈcɩan anˈ, -kawɛ ɛ ˈbhɛɛ ɛ ˈye -aʋ sʋn bho po ˈdhe dhɩ -aa za ˈo -aa nʋan ˈdhi -ɛ?—Hé 5:13, 14