Zezi ɔɔ muɛn -nʋn sedhɛbhleɛ- ˈye i -gwɛ

-Da Zezi nɩan da ˈbhlʋa ˈˈkpe -dhe ɛ, ɔ -toɛ- ɲʋndɩkman- ˈdhe ɲʋn bho. Ɲʋn ˈdhe bho ɔ toɛ gblein ɛn, ɛ nɩn ɲʋn sea dhɛ ˈbhle -e ɲʋn nɩan ˈe ˈkledɩ- ˈdhi. (Matie 9:36) Ɔ -to ˈo ɔɔˈ ˈkmʋn ˈmɛn ɲʋn -ˈnʋʋn anˈ ˈjɛɛn ɛnˈ dɩ. (Matie 20:28; Zan 15:13) ˈDhe nɔnˈˈ -dhɛ ˈˈzaan ˈdhi ɛ, ɔɔ muɛn ɔɔˈ ɲʋnbhleɛ- -e ˈˈɩkman- ɔ ˈbhlea dhɛ ɔ nɩan Ɲɔnsoa aˈ ˈBheɔglɔ ɔˈ ˈBheɔ i -jhii ɔ ˈye ɔɔˈ ɲʋndɩkman- -to -kenɛnˈ ˈdhe ɲʋn bho. ˈˈDhe ɔ ˈye sedhɛbhleɛ i -za da ˈbhlʋa aˈ klɛɛ ˈˈkpe.

Dhɩ Zezi ɔɔ muan -nʋn -ka Biiblʋ a nʋan ɩanˈ dɩ ˈtmʋn sʋn -nmɔn -dheinˈˈ bho poaˈ i:

• “Ɔ ˈghwlʋ ˈˈɲnuun -mɩɩnˈˈ bho ˈdhe ˈcɛ ˈˈklun, ɔ ˈpʋʋ- -nɩanˈˈ -jhei ɔˈ ˈˈɲnuun-.”​—Psaume 72:4.

Dhɩ aˈ klɛɛ Zezi nʋan -aʋ- ˈˈdhrui -e -jɩn ɔɔ muan -aʋ ˈˈdhrui -nʋn ˈdhe ˈkmʋn anˈ ɲan an, -kawɛ -a ˈye ɛɛˈ -to sʋn nʋn -ka -a jhibhiˈˈ -ɛ? Ɛɛˈ kpɔ dhue -mɛn -nɩn -a ˈye dhɩ -duuˈˈ i ˈŋwɔan in ˈbɔn ˈdhe “ˈBheɔglɔ ɔˈ -bɔyaˈˈ bo ɔˈ dɩ ˈdhi,” -bɔyaˈˈ -bo -ɔɔˈ dɩ Zezi ɔɔ ˈtmʋan ˈdhe ɲʋn bho -dhe ɛ. (Luikɩ 4:43) Zro ˈsɛɛ- “-Ɛ -nɩn Ɲɔnsoa aˈ ˈBheɔglɔ- -ɔ?” ˈdhii.