Zezi ɔɔ muɛn ˈˈkudhbhaa- i -za

-Ka ˈˈkudhbhaa- -e dhɩ sea ˈˈɩ ˈsrɛ ɛɛ ˈˈduaˈˈ ɲʋn ˈkle ɛ, Zezi jhibhiˈ. Ɲʋn bhlɔ dɩ ˈˈkpe, ɲʋn bhlɔˈ nmiin -ka, ɔ se dhɛsaʋn- nʋn ɲʋn yeɔ ˈbho ˈpeejheʋn- ˈˈjhibhaˈ kpa, ɲʋn ˈse ɔɔˈ ˈpee ˈjhe -kajɔɔnka ˈˈdhe ʋʋ dhbhɔɔˈ -ka -saʋn -ka. -Bho ɔ se dhɛsaʋn -nʋn -mɔnˈ -dhe ɛˈ, ɔ za ˈo ɔɔˈ ˈˈjɛ -gwlɩˈˈ “ɔ ˈye ˈbho ɔɔˈ ˈkmʋn -to -wɛeˈ ɲʋn -duuˈˈ ˈye ˈpʋ.” (Matie 20:28; Zan 15:13) ˈZɩan an, Zezi -nɩɛn- Ɲɔnsoa aˈ ˈBheɔglɔ ɔˈ ˈBheɔ, ˈˈdhe ˈdhe nɔnˈˈ -dhɛ ˈˈzaan ˈdhi ɛ, ɔɔ muɛn ˈˈɩˈsreɛ- da ˈbhlʋa aˈ klɛɛ ˈˈkpe -jha -wɛeˈ ɔ ˈye ˈˈkudhbhaa- i -za ˈnɔn ˈkmʋn ɔnˈ klɛɛ.—Isaïe 42:3.

-Bho Zezi -za dhɩsaɩn anˈ klɛɛ i ɛˈ, -ka ˈbhlʋa a muan -nɩn ɛn, Biiblʋ a ˈtmʋn ɛnˈ dɩ ˈmɛn:

• “Nɔnˈˈ dhɛ ˈˈzaan gbai -si ˈo, ˈˈdhe ɲʋnsaɩn ˈse i -nɩn in -dheeˈ ka. ˈKlaa ɲʋn -ʋa- jha ʋaˈ ˈˈjɛ jha a, ʋa muɛn ˈbhlʋa ˈbhle- ˈˈdhe ʋʋ ˈye ˈflɛ ɛˈ ˈtrɔn ˈdhi dɔ ˈˈkpe.”—Psaume 37:10, 11.

Dhɩ aˈ klɛɛ Zezi nʋan -aʋ- ˈˈdhrui -e -jɩn ɔɔ muan -aʋ ˈˈdhrui -nʋn ˈdhe ˈkmʋn anˈ ɲan an, -kawɛ -a ˈye ɛɛˈ -to sʋn nʋn -ka -a jhibhiˈˈ -ɛ? Ɛɛ kpɔ dhue -mɛn -nɩn -a ˈye dhɩ -duuˈˈ i ˈŋwɔan in ˈbɔn ˈdhe “ˈBheɔglɔ ɔˈ -bɔyaˈˈ bo ɔˈ dɩ ˈdhi,” -bɔyaˈˈ -bo -ɔɔˈ dɩ Zezi ɔɔ ˈtmʋan ˈdhe ɲʋn bho -dhe ɛ. (Luikɩ 4:43) Zro ˈsɛɛ- “-Ɛ -nɩn Ɲɔnsoa aˈ ˈBheɔglɔ- -ɔ?” ˈdhii.