-Manˈ ˈjhe ˈtee ŋwɔn ɔn muɛn ˈˈkpe ˈˈkpa da ˈbhlʋa aˈ klɛɛ ˈˈkpe: Dhɛwɛ- Biiblʋ a ˈtmʋn ˈdhe ɛˈ dɩ ˈdhi i -ɛ?

ˈˈKudhbhaʋn an ˈkpa ˈˈkpe ˈdhe Aiti iˈ. ˈˈKudhbha- -siiɛ i ˈdhe Afri di sidi -e Mɛsikɩ -e Meikɩ -bhlʋa aˈ ˈfɔ ˈdhe ˈdhi ɲʋn an poa Ɛsipaɲɔlɩ -e Pɔɔtigɛ -ghwlu. -Bho ˈˈkudhbha- se ˈˈɩ -di ˈbhlʋɩ -ˈnɩɩn ˈdhii -mɔnˈ -dhe ɛˈ, ɲʋn an pa ɲʋn bho -ŋmɛinˈˈ ˈdhii ʋa yea ʋaˈ dhɩ ˈˈjhri. Ɛɛ nʋɛnˈ ɲʋn an yea -zɔnˈ ˈˈdu dhɛ ʋʋ sea kupeɛˈ i -de ɛɛˈ dɩ.

ˈTee ŋwɔn -bhlaa -gbaa i da ˈbhlʋa aˈ klɛɛ ˈˈkpe ˈzɩan an, dhɛwɛ- Biiblʋ a ˈtmʋn ˈdhe ɛɛˈ dɩ ˈdhi -ɛ?

Dhɛwɛ- Biiblʋ -zaa ɲan ˈdhe ˈtee ŋwɔn -bhlaa aˈ dɩ ˈdhi -ɛ?

Dhɩ Biiblʋ -zaa ɲan -ɩan- toɛ -ka -a nɩan “ˈnɔn dhebhɔɔghwɩ ˈdhi” ɛ, ˈtee ŋwɔn -bhlaa -nɩn ˈdhe ɩn ˈˈklun ˈmɛn -ke. (Matie 24:3) Dhɩ -ɩan- toɛ -ka -a nɩan ˈnɔn dhebhɔɔghwɩ ˈdhi ɛ, Zezi ɔɔ ˈtmʋan ɩanˈ dɩ ɔ ˈnaan:

• “Dhɛ ˈtee ŋwɔn -bhlaa a muan ˈˈkpe ˈkpaa-, ɛɛ muɛn -nʋn ɲʋn -duuˈˈ aˈ ɲʋndɩkmaan an muɛn ˈˈkpe -cɛn.”—Matie 24:12.

Biiblʋ ˈnaan, ˈdhe dhebhɔɔghwɩ ˈdhi ɛ, ɲʋn ˈse ʋaˈ ˈˈjɛ i -kpʋɛn- ˈbhɛɛ i, ʋa muɛn ˈdhi ŋwɔn -ɲnin, ʋʋ ˈse dhɛjɛɛn -nʋʋɛn ɛnˈ dɩkman in.” (2 Timotee 3:1-5) Dhɛ ʋa naan ʋaˈ ˈsʋ ɔˈ dɩ ˈtɔ i ɛ, ɛɛ nʋɛnˈ -aa yea ˈtee ŋwɔn -bhlaa -sia i ˈzɩan ˈjhe.

ˈKlaa -a ˈbhleɛ -pɛɛɩtbhadhɛ-, Biiblʋ ˈnaan ˈdhe nɔnˈˈ -dhɛ ˈˈzaan ˈdhi ɛ, ˈtee ŋwɔn -bhlaa ˈse i -nɩɩn ˈbhodhe.

• “Nɔnˈˈ dhɛ ˈˈzaan gbai -si ˈo, ˈˈdhe ɲʋnsaɩn ˈse i -nɩn in -dheeˈ ka. ˈKlaa ɲʋn -ʋa- jha ʋaˈ ˈˈjɛ jha a, ʋa muɛn ˈbhlʋa ˈbhle- ˈˈdhe ʋʋ ˈye ˈflɛ ɛˈ ˈtrɔn ˈdhi dɔ ˈˈkpe.”—Psaume 37:10, 11.

-Bho -ˈye dɩ Biiblʋ a ˈtmʋan -ɩan- ˈˈduaˈˈ ɲʋn dɩ -ˈgwlɩi jhibho- ˈˈdhe -ˈyeɛ -gwlɩˈˈ de -ka dhɩ -aa ˈjhea ˈzɩan an ɲnian ˈbho ɲanzaadɩ ɛ, -mɛnˈ zro ˈcɩaandhɩ- nɩan da ˈzɔn da ˈdhii.

“Une espérance réelle pour des jours meilleurs”

“Quel est le signe des «derniers jours», ou «temps de la fin»?”

“La Bible a-t-elle prédit la mentalité et la conduite des gens de notre époque?”