Ɛntɛɛnɛtɩ ɛˈ nʋn aʋaˈ ˈˈɲnuun- dhɛsaʋn ˈˈdhrui?: -Kawɛ Biiblʋ ˈbhɛɛˈ ʋn ˈye ˈˈɲnuunbhleʋn- sʋn bho po -ɛ?

“Ɲʋnjhae aˈ -da -duuˈˈ ˈˈzru ghwɛ ɛɛ nʋn, ɛ nɩɛn ˈzɔnˈdɩ-: Dhɩ -ɩan- za ˈghwɛ -ˈnɩn ˈˈbhlo ɛ, ɛntɛɛnɛtɩ -kɔn ˈe ɩanˈ ɲan.”—Dr. Vivek Murthy, U.S. surgeon general, New York Times, Ɲɔɔnkpadhebhaˈ 17, 2024.

-Kawɛ ˈˈɲnuubhleʋn ˈbhɛɛ ʋʋ ˈye ʋaˈ ˈˈɲnuun sʋn bho po -wɛeˈ ɛntɛɛnɛtɩ ˈsʋbʋ dhɛsaʋn ˈˈdhrui -nʋin -ɛn? ˈSrɩn ˈdhɔɛeˈ Biiblʋ a toa ˈo ɛ.

Dhɛ ˈˈɲnuunbhleʋn- ˈyea nʋn ɛn

Aʋ -naan Biiblʋ aˈ ˈsrɩn nɩn tɔˈ ˈˈkpei.

“Ɲɔn nɩan tɔˈ ˈdhi ɔɔ ˈsrooɛ ɔɔˈ -nan -bhʋ -ˈgwlɩi.”—Proverbes 14:15.

Dhɩsaɩn- ɛntɛɛnɛtɩ a nʋan ɲʋn ˈˈdhrui ɩanˈ dɩ ɛ, -manˈ ˈˈtai- -man ˈˈɲnuun in -dhe, ʋaˈ mun ˈo ɛntɛɛnɛtɩ ˈˈkpe -dhe -bho ʋa sa -ʋn ˈˈmlan ˈnɛn -mɔnˈ -dhe ɛˈ. -Bho -ˈye -manˈ ˈˈjhu i ˈˈtai- ɔ ˈye ˈo ɛntɛɛnɛtɩ ˈˈkpe mun ɛnˈ, ɔ ˈye ɲɔn -ɔ ˈbhɛɛˈ -ɔ ˈye tɔˈ i zela -nɩn -wɛeˈ nɔnˈˈ ɔɔ muan nʋanˈ ˈbhomɔn -e dhaiˈˈ -ˈˈwe ɔ ˈyea ˈbhle ɛ, ɔ ˈye ʋaˈ ˈbho -za ka jhibho-. Ɛ -kɔndɩ ɔ ˈye dhɩ sea i ˈjhe ka nɩn anˈ bho -tɛɛan ˈbhɛɛ- -ke.

• -Bho -ˈye dhɩ -duuˈˈ i ˈŋwɔn ɔnˈ, -mɛnˈ zro “Enfants et réseaux sociaux (partie 1) : Mon enfant devrait-il utiliser les réseaux sociaux ?” -e “Enfants et réseaux sociaux (partie 2) : Protégez votre adolescent des dangers des réseaux sociaux.”

“[Aʋ -nʋʋn] aʋaˈ nɔnˈˈ dhbho ˈˈo -kajɔɔnka.”—Ephésiens 5:16.

-Bho -ˈye ˈo ˈŋwɔɔn- -wɛeˈ -manˈ ˈˈjhu ˈye ˈo ɛntɛɛnɛtɩ ˈˈkpe mun ɛnˈ, -mɛnˈ de ˈo ˈsrɩn in. -Ka ˈsrɩn -ˈnɩn nɩan ɔɔˈ ˈjɛɛn ɛnˈ dɩ ɛ, poɔ sʋn bho ɔ ˈyeɛ i ˈŋwɔn. De -manˈ ˈˈjhu ɔˈ kplɩn ˈˈjhriɛ ˈˈkpe. -Bho ˈjhe dhɛ -ɛ zian anˈˈ ˈdhe ɔɔˈ kplɩn ˈdhi ɛˈ, -ˈmɛn ɛ -kɔndɩ -ˈyeɔ sʋn bho po -wɛeˈ nɔnˈˈ ɔɔ nʋan ˈbho ɛntɛɛnɛtɩ ˈˈkpe ɛ, ɔ ˈyeɔ ˈˈkpe cɛn.

• -Jhii video ˈˈDhaidhɛ- ˈbho ɛntɛɛnɛtɩ ˈˈkpe: ˈSroo- -manˈ ˈˈjɛ -ˈgwlɩi i -ˈye -manˈ ˈˈjhu sʋn bho po dhɛ nɩan ˈo -wɛeˈ ɔ ˈyea nɔnˈˈ ɔɔ nʋan ˈbho ɛntɛɛnɛtɩ ˈˈkpe ˈˈkpe cɛn ɛn, ɔ ˈyeɛ jhibho.

-Bho -ˈye dhɩ -duuˈˈ i ˈŋwɔn ɔnˈ

Biiblʋ naan -a nɩɛn nɔn nɔnˈˈ -ɔ ˈdhe ˈdhi “ˈkmʋn anˈ ˈˈɩkman- an muɛn -jieˈˈ -zi.” (2 Timothée 3:1-5) ˈBho -ˈmɛn ˈdhe ɛ, ʋan ˈˈɲɩɛnˈˈ -aʋ ˈsrɩn ˈdhɔɛe -ɩn ˈbhɛɛa -ɩn ˈyea -aʋ sʋn bho po ˈˈdhe -a ˈyea ˈkledɩ -ˈnɩn ˈˈdhru ˈjha a. Biiblʋ aˈ ˈsrɩn -ɩn ˈbhɛɛa -ɩn ˈyea ˈˈɲnuunbhleʋn- -e ʋaˈ ˈˈɲnuun- sʋn bho po ɛ, aʋ ˈbhɛɛˈ aʋ ˈyɩ ˈjhe nɔn sɛbɛ -ˈnɛn ˈdhi: la santé mentale des ados.