-Ghwlu -ka -nɩn ɔnˈ bhla -maʋa

-Ka Filipʋ nʋan

VIDEO: Filipʋ ɔ bhla bo ˈdhe Etiopikɔin bho

1. -ˈJhe VIDEO i -aeˈˈ zro Actes 8:​30, 31. -ˈMɛn -za ˈe ideedɩ- nɩn:

1. 1. -kawɛ Filipʋ nʋn ˈdhe ɔ bho -ghwluaˈ -dee sʋn -ɛn?

2. 2. -Ka ɔ nʋan ˈdhe ɔ bho -ghwluaˈ -dee sʋn -e -ka ɔ nʋan -bo -bhla sʋn ˈdhe ɔ bho ɛ, dhɛɛdɩ- ɲʋn ˈbhɛɛ ɲʋn ˈye ka nʋn ɛ nɩn -ka ʋaˈ bhla -maʋa -a?

Dhɛ Filipʋ nʋan, dhɛwɛ- ɛɛ tɔɔn -abʋ -ɛ?

2. -Bho -a -nɩn ɲʋn an sa ghwlu -ka -a -nɩn ʋbʋ aˈ bhla -maʋa aˈ, ɛɛ muɛn -nʋn ɲɔn -aa ghwlua ˈe bho ˈse -aʋ i -plee i ˈˈdhe ɔ ˈye -pɛɛ ˈdhe -za ɔ ˈye -bo -aa bhla -dheinˈˈ bho po.

-Sraan Filipʋ

3. De dhɩ ˈˈjhriɛ ˈˈkpe. Ɲɔn ɔnˈ ˈˈjhibha aˈ -nɩn sʋn -e ɔɔˈ iɲnan- sʋn -e ɔɔˈ sɩn in -po sʋn ˈbhɛɛˈ ɩn ˈye -aʋ dhɩ -duuˈˈ -tɔɔn ˈdhe ɔɔˈ dɩ ˈdhi. Ɔ gwɛ ɲɔn -ɔɔ ˈbɔn -ɔ ˈye dhɩ -duuˈˈ i ˈŋwɔn? -Bho -ˈyeɔ tɔˈdɩ- nɩan ˈe Biiblʋ ˈdhi aˈ kpɔ dhueˈ aˈ dɩ ˈtmʋʋanˈ -dee ɛˈ, -ˈbhɛɛ ˈye ka nʋn “Jhibhiˈ -ka…?”. Ɲɔn ˈsea ˈbɔn -ɔ -nɩn -ˈyea -maʋa bhla, -manˈ kpʋʋɔn ˈˈdhrui -dhe -ghwlu dɩ.

4. -ˈMain. -ˈMan telɛ i -dhe Biiblʋ aˈ dɩ ˈtmʋn dɩ. -Fuo- nɔnˈˈ nmɔan ˈo i -wɛeˈ -ˈye -bo -bhlaaˈ -dee. -Zɔn -ˈnɔɔn ɔn, dhɛ ɛ ˈdha -mɛn -nɩn -ˈye ˈo -fɔn ˈˈdhe -zɔn ɔ -nɩn -man yea -ghwlu -kenɛnˈ ɛn, -ˈye bo bhla ˈdhe ɔ bho.

5. -ˈBhɛɛˈ -ˈye dhɛtosʋn ˈˈɩn zian-. Dhɛ ˈsea -tɔˈinaan- -dhe ɛ, ɲɔn -nɩn -man ghwlua ˈbhɛɛˈ ɔ ˈye ɛɛˈ dɩ ˈtmʋan -dee. -Bho ɛ seɛ -mɛn -ˈbhlee- ˈˈdhru ˈdhi -nɩn -mɔnˈ -dhe ɛˈ, tbha ˈo dɩ ɲɔn -nɩn -man ghwlua a ˈtmʋan ˈˈkpei -ˈye bo bhla.