ˈCƖAANDHƐ- 6
De ˈsrɩn nɩan ˈe Biiblʋ aˈ ˈˈjhriɛ ˈdhi -jeɛ ˈˈkpe
Zan 10:33-36
DHƐ KƆANDƖ -ˈYEA NƲN ƐN: -Bho zro Biiblʋ aˈ ˈˈjhriɛ ˈdhii ɛˈ, de ˈsrɩn nɩan ˈe ɛ ˈdhi -jeɛ ˈˈkpe -wɛeˈ -ˈye ˈo dhɛ -dhee -ˈnɛɛn ˈˈkpe ˈkpa. -Ka Biiblʋ aˈ ˈˈjhriɛ- zroa ˈdhii -e dhɛ -man ˈtmʋan an kpa -je -dhueˈ ɛ, nʋɛn ɲʋn -an poa -ʋn -dheinˈˈ bho ˈyeɛ ˈˈkpe iˈjhe.
-KA -ˈYEA NƲN ƐN:
De -da kɔandɩ -jeɛ ˈˈkpe. -Bho zro Biiblʋ aˈ ˈˈjhriɛ ˈdhii ɛˈ, -da kɔandɩ -ɔ -nɩn dhɛ -man ˈbɔan ʋʋ ˈyea iˈŋwɔn ɔn kpa -je -dhueˈ ɛ, de ˈo -jeɛ ˈˈkpe. -Bho -man sa ˈbɔn -ˈye ɛɛˈ dhɛ tu nʋn ɛnˈ, -da kɔandɩ ɛ, -ˈbhɛɛˈ -ˈye ˈo dheza- -aeˈˈ po ˈe ideedɩ- -wɛeˈ -da kɔandɩ ɛ, ɲʋn -an poa ʋn -dheinˈˈ bho ˈye ˈo ˈˈkpe iˈjhe.
De dhɛ kɔandɩ -jeɛ ˈˈkpe. Dhɛ nɩan ˈo -wɛeˈ -ˈyea Biiblʋ aˈ ˈˈjhriɛ ˈdhii zro ɛ, -bho ˈtmʋn ɛnˈ dɩ ɛˈ, -ˈmɛn -da dea -jeɛ ˈˈkpe ˈdhe Biiblʋ aˈ ˈˈjhriɛ ˈdhi -e -ka ɩan nʋan imuun- sʋn ɛn, toɛ.
ˈSrɩn -ˈyea -jeɛ ˈˈkpe de ɛ, ɩanˈ iˈŋwɔan anˈ kmanˈˈ -dhe. Dɩ kɔandɩ -ˈyea ˈtmʋn -wɛeˈ ɲʋn ˈyea ˈsrɩn nɩan ˈe Biiblʋ aˈ ˈˈjhriɛ ˈdhi iˈŋwɔn ɔn, ɩanˈ ˈsʋ -ˈye ˈtmʋn. -Bho -man sa ˈbɔn -ˈyeɛ nʋn ɛnˈ, -ˈmɛn dhɛ ɲʋn -an poa ʋn -dheinˈˈ bho jhibha see ɛ, tbha ˈo ɛ ˈˈkpe -wɛeˈ dhɛ -man ˈbɔan ʋʋ ˈyea -glɔˈ kpa a, ʋʋ ˈyeɛ iˈŋwɔn.