Ghlu aˈ ˈˈɩziansʋn-

Proverbes 8:4, 7

DHƐ KƆANDƖ -ˈYEA NƲN ƐN: Nʋɛn ɲʋn ˈye dhɛ -man ˈtmʋan iˈŋwɔn ˈˈdhe ɛ ˈye ɲʋn anˈ -pɛɛ iˈtʋn. -Bho -man sɛ nʋn ɛnˈ, kpa ghlu ˈˈjha -aeˈˈ -jha ghlu jha, ˈpɛɛn- ghlu i -aeˈˈ -ɲnaan ghlu i, ˈˈdoo- ghlu bho -aeˈˈ -ghlu -mɩɩnˈˈ -mɩɩnˈˈ.

-KA -ˈYEA NƲN ƐN:

• Kpa ghlu ˈˈjha -aeˈˈ -jha ghlu jha. -Bho -ˈye dhɛ kɔandɩ -jeɛ ˈˈkpe de ɛˈ, -ˈmɛn kpa ghlu ˈˈjha -wɛeˈ dhɛ -man ˈtmʋan ˈye ɲʋn anˈ -pɛɛ iˈtʋn. -Bho -man sa Biiblʋ aˈ ˈˈjhri ˈdhii zro ɛˈ, -ˈbhɛɛˈ -ˈye dhɛ nɩan -dhueˈ nʋn -ke. -Bho dhɛ ˈbhle -faʋn -aeˈˈ ɛɛ sa ɲʋn ˈˈzruu ɛˈ, -ˈmɛn -jha ghlu jha -wɛeˈ -ˈye ɛɛˈ dɩ ˈtmʋn.

• ˈPɛɛn- ghlu i -aeˈˈ -ɲnaan ghlu i. -Bho ɲʋn an sɛ nʋn ˈdhee- ˈˈbhli ɛˈ, -ˈmɛn -ɲnaan ghlu i ˈˈdhe -ˈye dhɛ ˈbhlea ˈmʋnan -aeˈˈ dhɛ ɛˈ ˈˈɩˈbhɛsʋn -e dhɛ ɛˈ bhotɛɛnsʋn anˈ dɩ ˈtmʋn. -Bho -ˈye dhɛ -ɛ ˈˈzru a ɲʋn ɛnˈ dɩ ˈtmʋn ɛnˈ, -ˈmɛn ˈpɛɛn- ghlu i.

• ˈˈDoo- ghlu bho -aeˈˈ -ghlu -mɩɩnˈˈ -mɩɩnˈˈ. -Bho -man sa dhɛ -ɛ poa ɲʋn ˈmʋnan ˈdhi ɛˈ dɩ ˈtmʋn ɛnˈ, -ˈmɛn ˈˈdoo- ghlu bho. -Bho -man sa ˈbɔn -ˈye dhɛ kɔandɩ ɛˈ dɩ ˈtmʋn ɛnˈ, -ˈmɛn -ghlu -mɩɩnˈˈ -mɩɩnˈˈ.