KUKWE JA TÖTIKARA 08
Mä raba ja kete Jehovabe
Jehová rabadre gare kwin mäi ie niara tö. Niara töita ño, tä kukwe nuainne ño aune töita dre nuainbätä, yebätä kukwe rabai gare bäri mäi ngwane, bäri mä törbai ja ketai ben. ¿Akwa ni raba nemen ja ketamuko Ngöbökwe? (Mäkwe ñäkä Salmo 25:14 yebätä). ¿Mä raba dre nuainne ja ketakäre ben? Biblia tä kukwe ye mike gare aune ñobätä Jehová ye ja ketamuko bäri kwin raba nemen mäkwe tä mike gare.
1. ¿Jehovata mä nübaire dre nuainne?
“Krötö känime Ngöbö ken munkwe amne Ngöbökwe krötadi känime mun ken” (Santiago 4:8). ¿Ye dre gärätä? Ye abokän Jehovata mä nübaire ne kwe mäkwe ja ketadre ben. Ni ñan tuin nie se ño ja keta raba ben, Ngöbö bärira jire ñaka tuin nie se ño ja keta raba ben nitre kwati tä nütüre. Akwa niara töi ño ye mikata gare kwe Bibliabätä ne kwe nikwe ja ketadre ben. Ngöbö töita ño ni kräke ye tä nemen gare Bibliabätä nie ngwane, nita ja kete bäri kwin ben ñaka tuin nie yebiti ta.
2. ¿Ñobätä Jehová ye ja ketamuko bäri kwin raba nemen mäkwe?
Ni mada ñaka raba mä tarere Jehová erere. Tö kä tuai juto mäbätä aune mätä ja di ribere ngwane, mä ja di kärädre ie, ie niara tö. Kukweta mä kisete ye mä raba kite “jökrä Ngöbö kötärä” ñobätä ñan aune Ngöbö töita mäbätä (1 Pedro 5:7). Jehovata juto biare ja ketamuko kwe töi mikakäre jäme, dimikakäre aune kukwe nuakäre (mäkwe ñäkä Salmo 94:18, 19 yebätä).
3. ¿Ni ja ketaka Jehovabe ye ie Jehovata dre ribe re?
Jehovata ni jökrä tarere, “akwa niarata ja kete bäri kwin nitre kukwe metre nuainkä yebe” (Proverbios 3:32). Kukwe tuin kwin Jehovai ye ja ketamuko kwe nuaindre, aune kukwe tuin käme ie ñaka nuaindre ie tö. Nikwe ja ngwandre ño ie Jehová tö ye erere ni ñan raba ja ngwen jire nitre ruäre tä nütüre. Akwa Jehovata ni töi mike nüke gare jai, aisete nireta niara tarere aune tä ja di ngwen kä ngwankäre jutobätä ye tä kain ngäbiti (Salmo 147:11; Hechos 10:34, 35).
JA TÖTIKE BÄRI NGUSETA
Ño ni raba nemen ja ketamuko Jehovakwe aune ñobätä niara ja ketamuko kwin raba nemen nikwe ye ani mike gare jai.
4. Abrahán ja ketamuko Jehovakwe
Dre nuaindre ja ketakäre Ngöböbe ye kukwe Bibliabätä Abrahanbätä tä mike gare nie (Abrán nie nämäne ie arato). Ñäkädre Génesis 12:1-4 yebätä kukwe mikakäre gare jai Abrahanbätä aune kukwe ne kädriedre jabe:
¿Jehovakwe dre nuain mananbare Abrahán ie?
¿Jehovakwe dre käbämikani ie?
Jehovakwe kukwe niebare Abrahán ie ngwane, ¿dre nuainbare kwe?
5. Jehovata dre nuainmana ja ketamuko kwe ie
Ja ketamuko kukwe ruäre nuaindre ni kräke ie ni töta nemen.
¿Ja ketamuko mäkwe dre nuaindre mä kräke ie mä töta?
Ñäkädre 1 Juan 5:3 yebätä aune kukwe ne kädriedre jabe:
¿Ni ja ketaka Jehovabe ye ie Jehovata dre ribe re?
Jehová mikakäre täte ni rabadre ja töi ükete aune ja ngwen kwin. Ñäkädre Isaías 48:17, 18 yebätä aune kukwe ne kädriedre jabe:
Ja ketamuko Jehovakwe käkwe ja töi kwitadre, ¿ye ñobätä Jehovata ribere?
Ja ketamuko tä kukwe kwin ngwen törö nie ni kriemikakäre aune kukwe kwin rabadre bare ni kräke yekäre. Ye erere Jehová tä nuainne ja ketamuko kwe kräke.
6. Jehovata dre nuainne ja ketamuko kwe kräke
Jehovata ja ketamuko kwe dimike ja tuin kukwe tare yebe. VIDEO mikadre ñärärä, biti kukwe ne kädriedre jabe:
Meri ie ja ruin ulire aune ñan töbike kwin jabätä, ¿ye Jehovakwe dimikani ño?
Ñäkädre Isaías 41:10, 13 yebätä aune kukwe ne kädriedre jabe:
¿Jehovakwe dre nuaindi ja ketamuko jökrä kwe kräke?
¿Jehová ye raba nemen ja ketamuko kwin ruin mäi? ¿Ñobätä mätä ye niere?
Ja ketamuko tä juto biare ni dimikakäre. Ye erere Jehovakwe nuaindi mä kräke.
7. Ja ketakäre Jehovabe blitadre ben aune kukwe nuadre
Nita blite ja ketamuko nikwe ben ngwane, nita nemen ja kete bäri kwin jabe. Ñäkädre Salmo 86:6, 11 yebätä aune kukwe ne kädriedre jabe:
¿Ni raba blite ño Jehovabe?
¿Jehovata blite ño nibe?
Orasion yebiti nita blite Jehovabe aune niarata blite nibe Bibliabiti
NITRE RUÄRE TÄ KUKWE NE NIERE: “Ni ñaka raba ja kete jire Ngöbökwe”.
Ni raba nemen ja ketamuko Jehovakwe, ¿ye texto medenbiti mä raba mike gare?
¿DRE NIBI GARE MÄI?
Jehová tö ja ketai mäbe aune mä dimikai kwe nökrö ja kokwäre.
Ngwankäreta törö
¿Jehovata ja ketamuko kwe dimike ño?
¿Ñobätä Jehová tö ja ketamuko kwe tuai ja töi kwite?
¿Jehovata kukwe ñan nuäre ribere nuaindre ja ketamuko kwe ie ruin mäi? ¿Ñobätä mätä ye niere?
KUKWE MIKE GARE BÄRI JAI
¿Ja keta Ngöböbe köböire dre kwin raba nemen mäkwe?
“Ngöbö Jehová rabadre gare nie ye kwin ni kräke” (Ni Mikaka Mokre, 15 febrero 2003)
Ño ja ketadre Ngöböbe ye mike gare jai.
Ja keta Jehovabe käkwe meri iti mikani kwäre nieta kwe ye mike gare jai.
Monsotre bati tä dre niere Jehovabätä ye kukwe nuin.