Ja töi mike bobre

Pablokwe nuainbare ño

VIDEO: Rei Agripa ie Pablokwe kukwe driebare

1. VIDEO mike ñärärä o ñäke Hechos 26:​2, 3 yebätä. Biti kukwe ngwantarita nebätä töbiketari:

1. Pablo blitabare töi bobrebiti rei Agripa ben, ¿ye bämikani ño kwe?

2. ¿Pablo dre nuainbare Agripa töi mikakäre Jehovabätä, Kukwe Ngöbökwebätä aune ñakare jabätä? (Hechos 26:22 mike ñärärä).

Pablo kukwe kwin bämikani, ¿ye tä dre driere nie?

2. Nita blite töi bobrebiti aune nitre mike ütiäte jai ngwane, tö rabai bäri ni kukwe nuai.

Ja ngwen Pablo erere

3. Ñaka ja bämike töbätä. Mätä blite ngwane, kukwe gare jökrä mäi, aune ni madai kukwe ñaka gare jire ye mäkwe ñan bämika. Käre mäkwe nitre mika ütiäte jai blita yebiti.

4. Kukwe tä Bibliabätä ai drieta mäkwe ye mike tuare. Ngöbö Kukwei ye raba mate nitre brukwäte aune raba töi kwite. Nita ñäkebätä dirikäre ietre ngwane, nita niaratre dimike tödeke kukwe metrebiti.

5. Käre blite jäme. Nire tä blite ngwarbe o nire tä kukwe metre niere yebätä ñan ja kweta nitre ben. Ni ñan tä näin ñäkäkäre ni madabe jai. Ja töi mikadre bobre ye käkwe mä dimikai ja töi mike jäme, ñongwane blitadre ünä aune ñongwane kämikadrekä ye mike gare jai (Prov. 17:14; Tito 3:2). Mäkwe blitai jäme aune töi kwinbiti ngwane, ye köböire mada ngwane ni ye tö rabai ni kukwe nuai raba ruin nie.