TÄRÄKWATA JA TÖTIKARA

KUKWE JA TÖTIKARA

▪ Jondron ütiäte tä nikwe ja üairebiti

▪ Jondron ja üairebiti tä nikwe mikadre ütiäte jai

Jondron ütiäte ja üairebiti tä nitre Jehová mikaka täte yekwe ye mikai gare nete. Ngöbökwe Kukwe kwe ngübabitibare ño, niara kä ye deme, aune kukwe metre ngübabare kwe ye köböire ni mikata kwäre kukwe ngwarbe yebätä ye kädriebike nete.

▪ Ja kriemike kä kiare Jehovakwe yete

Zacarías 14:4 tä niere nikwe ja kriemikadre kä kiare Jehovakwe yete, akwa ye dre gärätä aune ñobätä ni tädre yete ye mikai gare kukwe ja tötikara nekänti. “Ñö ja nire kräke” kädrieta Zacarías 14:8 yebätä ye tä dre bämike aune ñö ye ñadre angwane dre kwin rabai nikwe yebätä ja tötikai.

▪ Ja di ngwandre ne kwe ni rabadre tuin ütiäte Ngöböi

Jehová tö ni mikai tuin ütiäte jai, akwa yekäre nikwe kukwe meden meden nuaindre ye mikai gare jai ja tötika nekänti. Kukwe medenbätä ni ñaka raba nemen ütiäte Ngöbö kräke, aune nita kä ngwen nüke jai ye köböire nitre mada raba nemen tuin ütiäte Ngöböi ye mikai gare jai arato.