Kukwe ükaninte bämän 10 marzo kräke
BÄMÄN 10 MARZO
Kantiko 49 bätä orasion
Ja Tötika Bibliabätä Konkrekasionte
my 105 (30 min.)
Kwela Sribi Ngöbökwe Kräke
Ñäkätä Bibliabätä: Génesis 40-42 (10 min.)
Núm. 1: Hechos 18:1-13 (4 min. o bäri chi)
Núm. 2: ¿Ja ñaka rabadre ruin töbätä nie sribi konkrekasionte nuainkäre, akwa Jehová raba ni dimike ño nuainkäre? (my 30; Éx. 3:11, 13; 2 Cor. 3:5, 6) (5 min.)
Núm. 3: Ngöbö töita ño Kä tibien ne kräke ye erere rabai bare (bh kap. 3 párr. 1-3) (5 min.)
Gätä Sribi Ngöbökwe Nuainkäre
15 min. Ja Tötikadre Ni Mräkätre yebe tä ni dimike. Nitre ja mräkäre tä kukwe ükete ño jai ja tötikakäre yebe mäkwe blita. ¿Tätre nuainne ño käre? ¿Tätre dre nuainne kukwe keteiti diankakäre ja tötikara? ¿Kukwe meden jw.org yete abokänbiti ja tötikabarera kwetre? ¿Tätre ja tötike mräkätre ben ye tä dimike ño kukwe driere? ¿Tätre dre nuainne ne kwe ora ükaninte kwetre jai yete ñaka rabadre kukwe mada nuainne? ¿Ja Tötika Ni Mräkätre Ben ye köböire dre kwin namanina kwetre?
15 min. “Mäkwe diri bäri kwin: ñäkädre mä rüere ye ngwane mäkwe dre niedre ye mäkwe mika gare jai.” Kukwe kädriedre nitre ja ükaninkrö yebe. Nita kukwe driere yekänti kukwe meden ketebu o ketamä nie raba ni rüere ye mäkwe nie aune nikwe dre niedre ye mäkwe ngwantari. Kukwe meden namani bare ye nitre kukwe driekä käkwe niedi bämän 7 abril yebätä ye mäkwe ngwan törö ietre.
Kantiko 17 bätä orasion