Kukwe ükaninte bämän 7 abril kräke
BÄMÄN 7 ABRIL
Kantiko 11 bätä orasion
Ja Tötika Bibliabätä Konkrekasionte
my 110 (30 min.)
Kwela Sribi Ngöbökwe Kräke
Ñäkätä Bibliabätä: Éxodo 7-10 (10 min.)
Núm. 1: Hechos 22:1-16 (4 min. o bäri chi)
Núm. 2: ¿Nitre Israel käkwe maná kwetani yebiti niaratre töi gani kädrieta ye tä dre driere nie? (my 34; Éx. 16:35; Núm. 11:4-6) (5 min.)
Núm. 3: Kä tibien jökrä kwitai bä nuäre ye gare kwin nie (bh kap. 3 párr. 17-24) (5 min.)
Gätä Sribi Ngöbökwe Nuainkäre
10 min. Kukwe nieta täräkwata driekäre abril yebätä. Kukwe kädriedre nitre ja ükaninkrö yebe. Kena, página nekänti kukwe nieta yebiti täräkwata ye driedre ño ye bämikadre ketebu. Biti, täräkwata driedre ño ye kräke kukwe nieta ye jökräbätä mäkwe blita. Mrä, nitre kukwe driekä rabadre kukwe nieta täräkwatabätä ye mike gare kwin jai aune rabadre kä jutobiti täräkwata ye driere mäkwe nie jötrö ngwarbe ietre.
10 min. Ni mada kadre ngäbiti kwin ye mäkwe ngwan törö jai (Heb. 13:1, 2). Ni umbre käkwe kukwe ne kädriedre. Jesús Ja Nire Biani Ngwainta Törö jai ye kräke kukwe meden ükateta ye mäkwe mika gare. Nitre nübaita aune nitre kukwe driekä tä tibo kukwe ja üairebiti rükadre gätä yebätä ye kadre ngäbiti ño ye mäkwe kädrie. Kukwe bämikadre jötrö ngwarbe ketebu jatäri: kena, Jesús Ja Nire Biani Ngwainta Törö jai kömika jämi ye känenkri ni täräkwata kani ngäbiti rükadre ye ni kukwe driekä käkwe kadre ngäbiti kwin; ketebukäre, gätä krütadre ye bitikäre ni kukwe driekä ye arabe käkwe kukwe ükadrete ben tuabitikäre aune töi mikakäre bäri kukwe mike gare jai.
10 min. ¿Nikwe nuainbare ño? Kukwe kädriedre nitre ja ükaninkrö yebe. “Mäkwe diri bäri kwin: ñäkädre mä rüere ye ngwane mäkwe dre niedre ye mäkwe mika gare jai” yekänti kukwe nieta nuaindre abokän nitre kukwe driekä nuainbare yekwe dimikani ño ye mäkwe niemana ietre aune dre kwin namani bare ye mäkwe mikamana gare ietre.
Kantiko 20 bätä orasion