Nikwe dre nuaindre ne kwe ni tädre juto biare kukwe driekäre

Kukwe käme kä nebätä gaite ye näire ni rabadrete kwäre yekäre ni tädre juto biare kukwe driekäre ye ütiäte krubäte, yebätä nikwe ja töi mikadre käre ye erere. Kukwe nieta nete ne erere nikwe nuaindi angwane, ni täi juto biare.

• Mäkwe Gobran Ngöbökwe ribe käre orasionte (Mat. 6:10).

• Mäkwe ñäkä mantre jetebe Bibliabätä ja brukwä kriemikakäre (Heb. 3:12).

• Mäkwe ñaka kä juan ngwarbe ta (Efes. 5:15, 16; Filip. 1:10).

• Mäkwe ja töi mika kwatibe kukwe ja üaire yebätä; aune ñaka ja näkwita jondron blo kä tibienbätä yebätä (Mat. 6:22, 25; 2 Tim. 4:10).

• Mäkwe ja ngwan mokre, kukwe niebare Bibliabätä tä nemen bare ño ye mäkwe ngüba ngäbiti (Mar. 13:35-37).

Ni tädre juto kukwe driekäre yekwe ni töi mikai nuainne bäri kä täte nuainkäre yete (Juan 4:34, 35).