Kukwe ükaninte bämän 12 enero kräke
BÄMÄN 12 ENERO
Kantiko 42 bätä orasion
Ja Tötika Bibliabätä Konkrekasionte
lv kap. 8 párr. 11-18 (min. 30)
Kwela Sribi Ngöbökwe Kräke
Ñäkätä Bibliabätä: Josué 21-24 (min. 8)
Núm. 1: 1 Corintios 13:1-13 (min. 3 o bäri chi)
Núm. 2: ¿Kukwe Bibliabätä yebiti mäträdre nibätä angwane, ñobätä kukwe namani bare Naamán yebätä ye nikwe ngwandre törö jai? (my 69) (min. 5)
Núm. 3: ¿Ja kräkäi mikadre däribiti yebätä Biblia tä dre driere? (bh kap. 13 párr. 10-16) (min. 5)
Gätä Sribi Ngöbökwe Nuainkäre
Kukwe sö ne kräke: Nikwe sribidre ni klabore kwrere ni Däkien kräke töi bobrebiti (Hechos 20:19).
Min. 10 Nikwe sribidre ni klabore kwrere ni Däkien kräke töi bobrebiti. Kukwe kädriedre nitre ja ükaninkrö yebe. Mäkwe ñäkä Hechos 20:19 yebätä. Biti, kukwe ngwantarita nebätä mäkwe nitre nübai blite: 1) ¿‘Sribita ni klabore kwrere’ nieta yebiti dre mikata gare? 2) ¿Ni raba sribire ño ni klabore kwrere ni Däkien, Jesukristo kräke? 3) ¿Ja töi mikadre bobre ye dre gärätä? 4) ¿Ja töi mikadre bobre ye tä ni dimike ño kukwe driekäre?
Min. 20 “Mäkwe diri bäri kwin: mäkwe ja kita blitakäre ni rubun yebe.” Kukwe kädriedre nitre ja ükaninkrö yebe. Ja tötikadre kukwe nebätä ye bitikäre, kukwe tä nemen bare metre ye erere mäkwe bämikamana jötrö ngwarbe ketebu jatäri. Kena, ni kukwe driekä ye käkwe ñaka blitadre kwin ni rubun yebe. Ketebukäre, ni kukwe driekä ye arabe käkwe blitadre ni rubun yebe akwa töi jämebiti. “Mäkwe kukwe ne nuain sö krati” yekänti kukwe nieta ye mäkwe nitre jökrä nübai ja di ngwen nuainne.
Kantiko 39 bätä orasion