Nikwe kukwe driedre jw.org yebiti: “Mäkwe ja keta Jehovabe”

Internet käi jw.org “Tärä” nieta yekänti, video tä monsotre kia kräke kädekata “Mäkwe ja keta Jehovabe”. (Suliare, sección keteiti yete video, kansion bätä kukwe mada tä mikani.) ¿Sección nebiti ni tärä kukwe driere? Nitre ja tötikaka Bibliabätä nibe ye monsoi kia tärä angwane, ni raba mike tuare ietre. Ye raba töi mike kukwe känene sección mada yekänti Internet käi nikwe yete ye ñaka gare nie.

Meri iti abokän kwe monsotre kia nämene yei ja mräkä iti käkwe täräkwata Gobran Ngöbökwe Kukwei número 38 ye biani, meri ye ñäkäbare bengwairebe täräkwata yebätä. Dre nämene täräkwata yebätä ye monsotre kia tö namani gai arato. Angwane, täräkwata ye nämene blite drebätä ye ja mräkä ye käkwe mikani gare ie aune Internet käi nikwe tä ngösöri ye driebare kwe ie. Kukwe ye käkwe meri ye töi mikani ñan krütare, yebätä ja mräkä ye käkwe video Calebkwe ye mikani tuare keteiti ietre celular kwe yebiti.

Meri testiko Jehovakwe iti käkwe blitabare jw.org yebätä meri sribikä ben abokän kwe monsotre kia tärä yebe. Internet käi yete kukwe ütiäte kwain ie nitre ja mräkäre kräke niebare kwe ie. Meri yekwe kukwe ye känänbare monsotre kia kwe yebe. Ye bitikäre, monsotre kia kwe ye nämene niken kansion “Predica la palabra” suliare, tä sección “Mäkwe ja keta Jehovabe” yekänti ye kantaire gwita niebare kwe meri testiko Jehovakwe yei.

Kukwe meden mikata sección nekänti jw.org yete ye mikadre ñärärä käre aune video, kansion o kukwe mada mikata ye diandrekä ye ütiäte krubäte, ¿ñan ererea? Nikwe nuaindi angwane, ni täi juto biare kukwe driekäre sección ütiäte nebiti aune sribire jankunu ni klabore kwrere ni Däkien kräke (Hech. 20:19).