Ni rikadre kukwe driere bengwairebe

Nita ja ükökrö ja mräkätre ben kukwe driekäre ye ngwane, ni töta nemen blitai jankunu bentre. Akwa, gätä ye mikadre krüte ye ngwane bengwairebe ni rikadre kukwe driedi yekänti, ñobätä ñan aune sribi Ngöbökwe nuainta nikwe ye nuaindre jötrö ngwarbe (2 Tim. 4:2). Nikwe ngrötaite bäri angwane, kä ñaka rabaite krubäte nie kukwe driekäre. Aune erametre, kä tärä krubäte nie blitakäre ni kukwe driekä nibe yebe nita kukwe driere ye ngwane. Nikwe ja töi mikadre käre niken kukwe driere bengwairebe ye ngwane, nita juto biare kukwe driekäre aune nita sribire ni klabore kwrere Jehová aune Jesukristo kräke ye nikwe bämikai (Rom. 12:11).