KUKWE ÜTIÄTE BIBLIABÄTÄ | LUCAS 12, 13
“Mun bäri ütiäte nukwä gorrión kwati krubäte ye kräke”
¿Kukwe tä Lucas 12:6, 7 ye ñobätä Jesukwe niebare? Bersikulo 4 yekänti, Jesukwe niebare nitre ja tötikaka kwe yei, ja mikadre niaratre rüere o niaratre murie keta törbadre akwa ñaka kä jürä ngwandre kwetre jabätä. Ja mikadre niaratre rüere ye kräke niaratre tädre juto biarebe yekäre Jesukwe kukwe ye niebare ietre. Ni itire itire ütiäte Jehová kräke aune ñaka kukwe ñokwä tuainmetre kwe ni ngwen ja tare nike kärekäre ye Jesukwe niebare ietre.
Jehová töita krubäte ja mräkätre rüeta nakainkä yebätä, ¿ye erere ni raba ja ngwen ño?
Nitre testiko Jehovakwe tä kitani ngite tödekabätä mikata gare, ¿ye medente raba kwen nie?
¿Ja mräkätre nibe tä kitani ngite kä nengwane?