4-10 MARZO
SALMOS 16, 17
Kantiko 111 bätä orasion | Kukwe niedre kena (min. 1)
1. “Jehová, kukwe kwin tä tikwe ye jökrä kite mäkri”
(min. 10)
Ja ketamuko nikwe tä Jehová mike täte ye kwin krubäte (Sl 16:2, 3; w18.12 26 párr. 11).
Jehovata ni kain ngäbiti aune nita ja kete ben yebätä ja ruin kwin nie (Sl 16:5, 6; w14 15/2 29 párr. 4).
Jehová tä ni kriemike, yebätä ja ruin kriemikani ja üairebiti nie (Sl 16:8, 9; bh 133 párr. 5).
David erere, nita nire ye kwin krubäte ni kräke, ñobätä ñan aune nita Jehová mike täte aune kukwe kwin tä nikwe ye jökrä kite niarakri.
KUKWE NE NGWENTARI JAI: “¿Ti jatani Jehová mike täte yete ja käne tita nüne ño bäri kwin?”
2. Perla ükani känändre
(min. 10)
Sl 17:8. ¿“Okwä ara te” nieta ye dre gärätä? (it-2-S 491).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Sl 17:1-15 (th kukwe ja tötikara 5)
4. Blita kömikakäre
(min. 1) JU JU TE. Täräkwata nitre nübaikäre Jesús Ja Nire Biani Ngwainta Törö Jai kräke ye biandre (th kukwe ja tötikara 11).
5. Blita kömikakäre
(min. 3) JU JU TE. Täräkwata nitre nübaikäre Jesús Ja Nire Biani Ngwainta Törö Jai kräke ye biandre. Nitre tö rabadre kukwe mikai gare bäri jai ngwane, video Jesús murie ketani ngwandre törö jai ye mikadre tuare aune kädriedre (th kukwe ja tötikara 9).
6. Blita kömikakäre
(min. 2) KUKWE DRIEDRE KÄ JOKRÄ NGWANE. Täräkwata nitre nübaikäre Jesús Ja Nire Biani Ngwainta Törö Jai kräke ye biandre (th kukwe ja tötikara 2).
7. Nitre tötikadre
Kantiko 20
8. ¡Nikwe ja mikadre juto Jesús Ja Nire Biani Ngwainta Törö Jai ye kräke!
(min. 15) Kukwe kädriedre nitre ja ükaninkrö yebe.
Domingo 24 marzo ye ngwane, Jesús Ja Nire Biani Ngwainta Törö Jai, niara ara käkwe nuain mananbare ye erere. Jesús ja nire biani ni ütiäre yebiti, ni nibu käkwe ni tarebare bäri kri ye nemen gare nie (Lu 22:19 TNM; Jn 3:16 TNM; 15:13). ¿Mä raba ja mike ño juto köbö bäri ütiäte ye kräke?
Campaña nuaindi nitre nübaikäre kukwe ütiäte kädriei bämä Jesús Ja Nire Biani Ngwainta Törö Jai kräke ye känenkri aune Jesús Ja Nire Biani Ngwainta Törö Jai kräke ye mäkwe nuain kä jutobiti. Mä tö nire nübai yebätä mäkwe töbika biti mäkwe kä tika jai. Territorio känti konkrekasion mäkwe tä kukwe driere yekänti nitre ye ñaka tä nüne ngwane, mä raba niken jw.org ora nuäi aune medente mada gätä ketebu ye nuainta nitre ye käite mäkwe känä.
Sö marzo aune abril yete mäkwe ja di ngwan kukwe driekäre bäri. ¿Mä raba ja mike prekursor auxiliar? So yebätä mä raba kukwe driere ora 15 o 30, ora ye aibe ribeta.
Köbö 18 marzo ye ngwane, mä raba ñäke, Jesús nämäne nire kä tibienbätä bämän mrä te ye ngwane, kukwe ütiäte meden namani bare yebätä. Página 6 aune 7 yekänti kukwe meden bätä mä raba ja kite tä mikani programa, “Conmemoración 2024 texto dianinkä ñäkäkäre” ye kwain mäi. Mä tö rabadre kukwe tä mikani ye medenbätä ñäkäi ye erere raba nuainne.
Köbö te Jesús Ja Nire Biani Ngwainta Törö Jai ye ngwane, programa adoración matutina tä mikani jw.org ye mäkwe tua.
Jesús Ja Nire Biani Ngwainta Törö Jai ye ngwane, nitre tä tibo ja üairebiti aune nitre rabai krire kena ye mäkwe ka ngäbiti kwin aune kä jutobiti. Ni ye raba kukwe meden ngwentari jai yekäre mäta juto mikakäre gare ye mäkwe nie ie gätä yete. Mä näin känti mä nie ie. Ye köböire töi raba nemen kukwe mikai gare bäri jai.
Jesús Ja Nire Biani Ngwainta Törö Jai ye känenkri aune bitikäre, mäkwe kä dianka jai töbikatarikärebätä.
VIDEO Jesús murie ketani ngwandre törö jai ye mäkwe mika tuare. Biti kukwe ne ngwandretari:
¿Video nebiti kukwe drie raba ño Jesús Ja Nire Biani Ngwainta Törö Jai ye kräke?
9. Ja tötika Bibliabätä konkrekasionte
(min. 30) bt cap. 6 párr. 18-24 aune recuadro pág. 48.