6-12 MAYO
SALMOS 36-37
Kantiko 87 bätä orasion | Kukwe niedre kena (min. 1)
1. “Ñaka ja mika rubun nitre töi käme ye kräke”
(min. 10)
Nitre ja ngwanka käme ye tä ni ngwen ja tare nike aune ni dokwä mike tare (Sl 36:1-4; w17.04 11 párr. 4).
Ni rabadre rubun nitre “töi käme” kräke ye raba kukwe tare mike nemen bare nibätä (Sl 37:1, 7, 8; w22.06 10 párr. 10).
Jehovata kukwe käbämike nie yei nita tö ngwen ye tä ni töi mike jäme (Sl 37:10, 11; w17.04 11 párr. 5, 6).
KUKWE NE NGWENTARI JAI: “¿Nitre ja ngwanka käme tä kukwe nuainne mikata noticiate yebätä tita nemen töbike krubäte?”
2. Perla ükani känändre
(min. 10)
Sl 36:6. Jehovata kukwe ükete metre ye abokän “Ngutuä kri” Jehovakwe kwrere niebare ni salmo tikakakwe o nota tä niere erere “Ngutuä Ngöbökwe”. ¿Dre gärä nämäne kwe kukwe yebiti? (it-2-S 424).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Sl 37:1-26 (th kukwe ja tötikara 10)
4. Blita kömikakäre
(min. 3) JU JU TE. (lmd kukwe ja tötikara 1 punto 5).
5. Ni tuadrebitita
(min. 4) KUKWE DRIEDRE KÄ JOKRÄ NGWANE. Biti mäkwe ja tötika Bibliabätä kömika (lmd kukwe ja tötikara 9 punto 4).
6. Kukwe kädriedre
(min. 5) ijwbv-S 45. Kukwe: ¿Kukwe nieta Salmo 37:4 ye dre gärätä? (th kukwe ja tötikara 13).
Kantiko 33
7. ¿Mäta juto biare ja tuakäre “kukwe tare” ben?
(min. 15). Kukwe kädriedre nitre ja ükaninkrö yebe.
Ja mräkätre kä jökräbiti tibien tä ja tuin kukwe tare tä nemen bare nierare yebe o nitre tä kukwe tare mike nemen bare yebe (Sl 9:9, 10). Metrere ni jökrä raba ja tuin “kukwe tare” yebe. Ye medenbätä ni tädre juto biare kukwe ye kräke.
Kukwe ruäre nuain raba ja mikakäre juto,a ¿dre mada nuaindre ja mikakäre juto?
Ja mikadre juto ja töibiti: Kena kukwe ye raba nemen bare tädre gare nie. Nane kukwe tare rabadre bare ngwane, nikwe dre nuaindre ye tädrera gare nie. Jondron tä nikwe ye ñan taredre krubäte, ye köböire rabai bäri nuäre kukwe diankäre nuaindre jai nie aune jondron jökrä ye tuametrekäre ne kwe ni rabadrete nire o ni mada dimike nemente nire (Gé 19:16; Sl 36:9). Ne madakäre, kukwe ye rikai ta ngwane nikwe töbikai bäri kwin ja käne aune ni ñan täi töbike krubäte dre nianinte nikän yebätä (Sl 37:19).
Ja mikadre juto ja üairebiti: Jehová tö ni kriemikai aune ye erere nuaindi kwe yei tö ngwandre bäri (Sl 37:18). Jehovata juta kwe jie ngwen aune dimike käre, jondron jökrä tä nete nikän yebiti ta ye mäkwe ngwan törö jai (Sl 37:23, 24; Jer 45:5).
Kukwe käbämikata Jehovakwe käre nita ngwen törö jai ngwane, tä ni mike dite ja tuakäre “kukwe tare yebe” (Sl 37:39).
VIDEO ¿Mä niena juto biare kukwe rakadrekä jötrö ngwarbe ye kräke? Ye mikadre tuare. Kukwe ngwandretari nitre ja ükaninkrö ie:
¿Kukwe tare tä nakainkä ngwane Jehová tä ni dimike ño?
¿Ni raba ja mike ño juto?
¿Kukwe tare tä nemen bare ja mräkätrebätä ngwane ni raba dimike ño?
8. Ja tötika Bibliabätä konkrekasionte
(min. 30) bt cap. 9 párr. 8-16
Kukwe niedre mrä (min. 3) |
a Täräkwata ¡Despertad!, número 5 2017 página 4-6 ye mikadre ñärärä.