13-19 MAYO
SALMOS 38, 39
Kantiko 125 bätä orasion | Kukwe niedre kena (min. 1)
1. Ja ñan rabadre ruin ngite krubäte nie
(min. 10)
Jata nemen ruin ngite krubäte nie ye abokän tribe doboko ngwanta ye kwrere (Sl 38:3-8; w20.11 27 párr. 12, 13).
Mä ja mikani ngite ye mäkwe ñan ngwan törö jankunu jai; nengwane mä ja töi mika Ngöbö mike täte metre (Sl 39:4, 5; w02-S 15/11 20 párr. 1, 2).
Ja ruin ngite mäi yebätä ñan nuäre mä kräke orakäre, akwa mäkwe nuain jankunu (Sl 39:12; w21.10 15 párr. 4).
Ja ruin ngite krubäte mäi ngwane, nire tä ja töi kwite bökän yebiti Jehová tä ngite kite ta ye mäkwe ngwan törö jai (Is 55:7).
2. Perla ükani känändre
(min. 10)
Sl 39:1. ¿“Tikwe jondron mikai ja kadabiti ja ngübabitikäre” nieta ye ñongwane bäri kwin mikakäre täte? (w22.09 12 párr. 16).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Sl 38:1-22 (th kukwe ja tötikara 2)
4. Töbikadre kwin käne blitakäre: Pablo kukwe ne nuainbare
(min. 7) Kukwe kädriedre nitre ja ükaninkrö yebe. VIDEO mikadre tuare biti kukwe kädriedre täräkwata Ja tare ye bämikadre kukwe ja tötikara 5 punto 1, 2 yebätä.
5. Töbikadre kwin käne blitakäre: Ja ngwen Pablo erere
(min. 8) Kukwe kädriedre nitre ja ükaninkrö yebe täräkwata Ja tare ye bämikadre kukwe ja tötikara 3-5 aune “Mike ñäräre arato”.
Kantiko 44
6. Kukwe niedre konkrekasion nikwe kräke
(min. 15)
7. Ja tötika Bibliabätä konkrekasionte
(min. 30) bt cap. 9 párr. 17-24 aune recuadro pág. 73.