29 JULIO NEMEN 4 AGOSTO
SALMO 69
Kantiko 13 bätä orasion | Kukwe niedre kena (min. 1)
1. Salmo 69 yekänti dre rabai bare Jesubätä mikani gare
(min. 10)
Nitre brukwä namani nierare Jesús kräke (Sl 69:4; Jn 15:24, 25; w11-S 15/8 11 párr. 17).
Ju Jehovakwe nämäne tuin ütiäte Jesús ie, ye abokän kukwe metre tare nämäne kwe (Sl 69:9; Jn 2:13-17; lfb 180-181).
Jesús ja tare nikabare krubäte, bitikäre vino mritani jondron broi yebe biani ie (Sl 69:20, 21; Mt 27:34; Lu 22:44; Jn 19:34; g95-S 22/10 31 párr. 4; it-2-S 669).
KUKWE TÖBIKATARIKÄRE: ¿Ñobätä Jehovakwe profecía mikani gare Mesías yebätä tärä tikani kukwe Hebreore yekänti?
2. Perla ükani känändre
(min. 10)
Sl 69:30, 31. ¿Texto Bibliabätä ne tä ni dimike ño orasion nuainne bäri kwin? (w99-S 15/1 18 párr. 11).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Sl 69:1-25 (th kukwe ja tötikara 2)
4. Ni ngübare bätärekä: Jesukwe nuainbare ño
(min. 7) Kukwe kädriedre nitre ja ükaninkrö yebe. VIDEO mikadre tuare biti blitadre täräkwata Nitre tarere tötikakäre kukwe ja tötikara 8 punto 1, 2.
5. Ni ngübare bätärekä: Ja ngwen Jesús erere
(min. 8) Kukwe kädriedre nitre ja ükaninkrö yebe täräkwata Nitre tarere tötikakäre kukwe ja tötikara 8 punto 3-5 aune “Ne mike ñärärä arato”.
Kantiko 134
6. Kukwe niedre konkrekasion nikwe kräke
(min. 5)
7. Ja tötika ja mräkäbe ye nuainkäre bäri kwin
(min. 10). Kukwe kädriedre nitre ja ükaninkrö yebe.
Kä enero 2009 ye ngwane, ja töi mikani Ja tötika Bibliabätä konkrekasionte, Kwela Sribi Ngöbökwe Kräke aune gätä sribi Ngöbökwe nuainkäre ye nuainne keteitibe bämän kratire kratire. Ye köböire rabadre bäri nuäre ja mräkätre kräke kukwe ükatekäre jai, ja tötika ja mräkäbe ye nuainkäre dere o deu meden rabadre bäri kwin kräke ye erere. Ja mräkätre kwati tä debe bien kukwe ükaninte yebätä ñobätä ñan aune ye tä niaratre dimike nökrö bäri Jehová ken aune nemen bäri keteitibe jabe (Dt 6:6, 7).
Mun ji dokwä ngwanka mun mräkätre käne ngwane, kukwe mikata gare jatäri ne käkwe mun dimikai ja tötika ye nuainne kä jutobiti:
Nuaindre käre. Raba ngwane, munkwe ora aune köbö ükate jai bämän kratire kratire ye kräke, nane kukwe ngüba ñaka rabadre bare ngwane köbö mada tädrera ükaninte ne kwe ñan ja tötika ye juandre ta.
Drebätä mun ja tötikai yebätä mä ja kita. Drebätä ja tötikai ye mä raba ngwentari mä muko ie o ruäre ngwane monso mäkwe ie. Drebätä mun ja kitai ye kräke mä ñan rabadre ja tötike kwin käne, mä mräkätre tä kukwe ye erere nuainne käre bämän kratire kratire ngwane.
Mä mräkä tä dre ribere jai ye ererebätä mä kukwe ükate. Monsotre tä kite nirien ye ngwane tä kite töi ngitiekä jene aune tä kite kukwe jene ribere jai. Drebätä mun ja kitadre ye rabadre mä mräkätre dimike nirien ja üairebiti ye erere mäkwe nuain.
Mä ja di ngwan ne kwe ja rabadre ruin kwin mä mräkätre ie. Ruäre ngwane mun raba ja tötike jubäre kä rabadre bälen o mun raba nuainne ye ngwane. Arato mun raba nünenkä chi ja trö jäkäkäre mun rabadre nainte ye ngwane. Kukwe meden tä nemen bare gwi yebätä blita raba nengwane akwa mäkwe ñaka ngrate o niaratre mika kukwe nuainne ja dibiti.
Kukwe jene jene nuaindre. Mun raba kukwe ne nuainne kia kia ja tötika ja mräkäbe yete, ñodre ja ükete gätä kräke, video tä jw.org ye tuin aune blite bätä aune ja kite kukwe driekäre o kukwe keteitibe aibe nuainne. Ja tötikadre gwairebe Bibliabätä ja mräkätrebe ye ütiäte akwa kä dianka raba jai ja tötikakäre jene jene ja tötikata ja mräkäbe ye ngwane.
Kukwe ne ngwandretari:
¿Kukwe kädrite ne mikakäre täte mäta dre nuainne ja tötika ja mräkäbe yete?
8. Ja tötika Bibliabätä konkrekasionte
(min. 30) bt cap. 13 párr 8-16 aune recuadro pág. 105.