5-11 AGOSTO

SALMOS 70-72

Kantiko 59 bätä orasion | Kukwe niedre kena (min. 1

KUKWE ÜTIÄTE BIBLIABÄTÄ

1. Ngöbö die kri krubäte yebätä mäkwe blita mä “bränkätre” ben

(min. 10)

David nämäne monsore ngwane Jehovakwe kriemikani namani gare ie (Sl 71:5; w22.01 6 párr. 15).

David namanina umbre akwa Jehovakwe dimikani ye tuani kwe (Sl 71:9; w14 15/3 20, 21 párr. 3, 4).

Kukwe nakaninkä Davidbätä ye nämäne täin monsotre bati ie dimikakäre (Sl 71:17, 18; w14 15/1 23 párr. 4, 5).

Ja mräkätre täni üai mikani bämän känebätä sección dianinkä mrä yekänti, kädekata “Ja tötika ja mräkäbe ye nuainkäre bäri kwin”. Nitre gure umbre nübaibare kwe ja tötika ja mräkäbe yete. Kukwe namani bare bätätre ye tä mike gare ngwane kukwe nuata kwekebe kwetre aune tätre foto mikata tuare kwetre tuin.

KUKWE NE NGWENTARI JAI: “¿Ja tötika ja mräkäbe yete ja mräkä meden abokän kä kwati te tä sribire Jehovakrä ie ti tö kukwe ngwaintari?”

2. Perla ükani känändre

(min. 10)

Sl 72:8. ¿Génesis 15:18 yekänti Jehovakwe kukwe käbämikani Abrahán ie ye namani bare ño Salomón nämäne gobrane ye näire? (it-1-S 883).

Mike gare
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?

Mike gare

3. Ñäkätä Bibliabätä

(min. 4) Sl 71:1-24 (th Kukwe ja tötikara 5)

DIRIDRE BÄRI KWIN

4. Blita kömikakäre

(min. 3) JU JU TE. Ni iti tö rabadre ja kwetai mäbe ngwane mäkwe blita mika nünenkä töi jämebiti (lmd kukwe ja tötikara 4 punto 5).

5. Ni tuadrebitita

(min. 4) KUKWE DRIEDRE KÄ JOKRÄ NGWANE. Mä mräkä käkwe ja tötikai Bibliabätä ye kai ngäbiti o ñakare yebätä tä töbike yekänti mä rikata (lmd kukwe ja tötikara 8 punto 4).

6. Dre mikata täte ye driedre

(min. 5) Kukwe kädriedre. ijwfq 49. kukwe: ¿Ñobätä nitre testiko Jehovakwe tä kukwe mikata täte kwetre ye ruäre kwite? (th kukwe ja tötikara 17).

NITA JA NGWEN ÑO

Kantiko 76

7. Ja tötikadre ni mräkäbe ye ngwane ne nuain raba

(min. 15) Kukwe kädriedre nitre ja ükaninkrö yebe.

Jä mräkätre ye ara tätre kantare kantikobätä.

Jä mräkätre ye ara tä JW Broadcasting tuin.

Ja tötika ja mräkäbe yete monso merire iti tä kukwe tä nemen bare metre ye bämike meye kwe ben.

Ja tötika ja mräkätre ben ye köböire ‘monsotre töi tikata amne ji kuin Ngöbökwe’ drieta ietre ye ta nemen mike ütiäte jai (Ef 6:4). Ja tötikakäre, ja di ngwandre aune nuaindre kä jutobiti, bärira jire monso töta nemen kukwe Bibliabätä mikai gare jai ye ngwane (Jn 6:27; 1Pe 2:2). Recuadro “Ja tötikadre ni mräkäbe ye ngwane ne nuain raba” yebätä blitadre. Yete kukwe ütiäte nieta abokän nitre rüne raba nuainne ne kwe nitre jökrä tä yete ye raba ye mike ütiäte aune kukwe ütiäte raba nemen gare ja töi kräke ietre. Biti kukwe ne ngwandretari:

¿Kukwe mikata gare nete ye meden mä tö nuain?

Mike gare
¿Kukwe mada ñaka nete akwa mäkwe nuainbare aune mä dimikani kwe? Mä raba mike gare

Mike gare

JA TÖTIKADRE NI MRÄKÄBE YE NGWANE NE NUAIN RABA

BIBLIA

Biblia tä audiore ye munkwe kukwe nua o mun itire itire ja töi mika ñäke kukwe kribiti bätä. Ni kukwe jene jene tä blite ye erere mun itire ja kukwe mikadre.
Ñäkätä Bibliabätä bämän kratire kratire ye kräke mäkwe kukwe ngwantari. Kukwe ngwantarita ye ni itire itire diandre keteiti jai aune kukwe känändre bätä. Biti dre kwani ie ye raba mike gare ja mräkätre mada mada ie.
Kukwe ngwandretari keteiti o kukwe raba nemen bäre bämikadre keteiti, biti tärä Textos bíblicos para la vida cristiana yebätä kukwe meden raba mun itire itire dimike kukwe bämikata ye mike gare ye känändre jene jene.
Kukwe namani bare tä Bibliabätä ye mun raba bämike keteiti.
Bämä krätire krätire mäkwe texto jene jene tika keteiti jai, texto ye raba kwen apéndice A täräkwata Nitre tarere tötikakäre yebätä aune texto ye mäkwe mika gare jai ja töibiti. Texto mäkwe tikani bämä nikani tä bätä jai ye mäkwe tuateta aune ngwan törö jai.
Tärä Mä raba nüne kä jutobiti kärekäre yebätä ja kita raba kukwe ruäre bätä o punto ruärebätä.
Sección “Kukwe ngwantarita Biblia yebätä” o “Textos bíblicos explicados”, tä “KUKWE BIBLIABÄTÄ DRIETA” jw.org yete yebätä mäkwe kukwe dian keteiti aune mäkwe ribe mä mräkä iti ie ne kwe rabadre kukwe ye bämike.

GÄTÄ

Kukwe ruäre dianinkä gätä kräke yebätä ja kitadre.
Comentario dianka jai munkwe aune ja kita bätä. Comentario rabadre nuin nuäi ye näre kräke munkwe ja kita.
Kantiko gätä kräke yebätä mäkwe ja kita.
Gätä mada yete mä raba dre niere ni iti ie dimikakäre yebätä mäkwe töbika aune ja kita.
Kukwe bämikadre gätäte ye tädre mun iti kisete ngwane, nuaindre ño yebätä ja kita raba ja mräkätre ben gwi.

KUKWE DRIE

Munkwe ja kita kukwe driekäre ju ju te.
Munkwe ja kita käne ni iti tuabitikäreta.
Kukwe drieta kä jökrä ngwane yete kukwe raba nemen bare yebätä töbikadre aune blita kömika raba ño töi jämebiti yebätä ja kitadre.
Sö Conmemoración näire, clase ñakare o mä ñan sribidi ye ngwane munkwe dre nuaindre kukwe driekäre bäri yebätä munkwe blita.

NITRE JA MRÄKÄRE TÄ KUKWE ÑO RIBERE JAI

Kukwe ruäre raba nemen bare o namani bare ye ngwane dre nuaindre yebätä ja kitadre. Ñodre kukwe raba nemen bäre nita ja ngwen neutral yebätä, ni mikata ngwarbe ja kisete (bullying), ja kukwe muko känänta aune fiesta yebätä.
Kukwe bämikadre yekänti ni rüne käkwe ja mikadre monso kwrere aune monsotre käkwe ja mikadre rün kwe ye kwrere aune kukwe känänbare kwe yebätä ja kitadre kwe rünbe.

KUKWE MADA NUAIN RABA:

Video JW Broadcasting^® ye munkwe tua aune dre nemen gare mun ie yebätä blitadre.
Kukwe keteiti o video keteiti tä jw.org ye tuadre aune blitadre bätä.
Kukwe tä sección “Monsotre bati” o “Kiatre”, tä “KUKWE BIBLIABÄTÄ DRIETA” tä jw.org yete kukwe känändre keteiti aune ja kitadre bätä.
Kukwe niebare gätä kribätä aune kukwe tikani jai yebätä ja kitadre.
Jehová jondron sribebare ye mikadre ñärärä o kukwe känändre jondron sribebare keteiti bätä aune tä dre driere nie Jehovabätä yebätä blitadre.
Ruäre ngwane ja ngwai o ja eteba nübaidre ja gwirete biti kukwe ruäre ngwandretari ie
Munkwe meta mika ririakäre bäri ja üairebiti ye mika jai aune dre nuaindre mikakäre bare ye mikadre gare jai.
Kukwe ruäre nuaindre ja kitakäre gwaire ñodre, jondron bä sribere metre (maqueta), mapa sribedre, recuadro sribere (tabla o gráfico).

VIDEO Ja tötika ja mräkäbe ye nuaindre bäri kwin ye mikadre tuare. Kukwe ngwandretari nitre ja ükaninkrö ie:

¿Ni brare ye raba meri kwe ye dimike ño ja tötika ja mräkäre ye käi ngwen juto jäbätä tätre nüne kaibe ye ngwane?

Mike gare

8. Ja tötika Bibliabätä konkrekasionte

(min. 30) bt cap. 13 párr. 17-24.